Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada belsendi halyqtyń úshten biri kásipkerlikpen aınalysýda

2021 jyldyń 21 qazan 2021 03:29

QYZYLORDA. QazAqparat - Qyzylorda oblysynda ekonomıkalyq belsendi halyqtyń úshten biri kásipkerlik salasynda eńbek etedi, dep habarlaıdy QazAqparat tilshisi.

Pandemııa shekteýlerine qaramastan óńirde kásip ashýǵa nıetti azamattar sany artyp keledi. Bul boıynsha oblys elimiz boıynsha úzdik úshtikke endi. Sondaı-aq, oblystaǵy ekonomıkalyq belsendi halyqtyń úshten biri kásipkerlik baǵytta jumyspen qamtylǵan. Atalǵan ósim 9,1 paıyzdy qurap, aımaqtar arasynda ІІ orynǵa kóterildi.

«Kásipkerlik sýbektiler sanynyń ulǵaıýyna memlekettik qoldaý sharalary áser etti. Máselen, 9 aı ishinde «Bıznestiń jol kartasy 2025» memlekettik baǵdarlamasy aıasynda jalpy quny 20,8 mlrd. teńgeni quraıtyn 1360 joba qoldaý tapsa, 813 joba 5,1 mlrd.teńgege kepildendirildi. Munan bólek, qarjy uıymdarymen kásipkerlerdiń 615 jobasyna 2 mlrd.teńge kóleminde shaǵyn nesıe berildi. Onyń ishinde «Qyzylorda» Óńirlik ınvestıtsııalyq ortalyǵymen 14 kásipkerge 2 paıyzben 348 mln. teńgege qarjylandyryldy. Mundaı qoldaýlardy kelesi jyly da iske asyramyz»,-dedi oblystyq kásipkerlik jáne týrızm basqarmasynyń basshysy Ferdoýsı Qojabergenov.

Basqarma basshysynyń aıtýynsha, saýda jáne týrızm salasynda da ilgerileý bar. Jalpy saýda aınalymy ótken jylmen salystyrǵanda 2, al kelýshi týrıster sany 46 paıyzǵa, kórsetilgen qyzmetter kólemi 58 paıyzǵa artqan.

Jaǵymdy jańalyq keler jyldan bastap týrızm salasynda jańa memlekettik qyzmetter, ıaǵnı avtokólik quraldaryn satyp alý, týrızm nysandaryn salý, sanıtarııalyq-gıgıenalyq toraptardy kútip-ustaý shyǵyndarynyń bir bóligin sýbsıdııalaý arqyly óteý mehanızmi enedi.

Eske salsaq, Qyzylordada jyl basynan beri ónerkásip kásiporyndary 543 mlrd teńgeniń ónimin óndirdi.


Joǵary qaraı