Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada demalys ornyna kelýshilerge jezókshelik qyzmet usynǵandar anyqtaldy

2021 jyldyń 23 qyrkúıek 2021 18:00

QYZYLORDA. QazAqparat - Qyzylorda qalasyndaǵy demalys oryndaryna kelýshilerge jezókshelik qyzmet usynǵandar anyqtaldy, dep habarlaıdy QazAqparat tilshisi.

Qyzylordalyq jedel ýákilder jeńgetaılyq kásiptiń jolyn kesti. Qyzylorda qalalyq Polıtsııa basqarmasynyń polıtseıleri «Stop-trafık» jedel aldyn alý sharasy aıasynda qala ortalyǵynda ornalasqan 3 demalys ornynyń birinen jezókshelik qyzmet kórsetiletinin anyqtady.

«Polıtsııaǵa atalǵan qoǵamdyq oryn klıentterine jezókshelik qyzmet usynylady degen habar túsken edi. Tekserý sharasy barysynda atalǵan aqparat rastaldy. Bul boıynsha polıtseıler jezókshelikpen aınalysýǵa arnalǵan prıtondar uıymdastyrý nemese ustaý jáne jeńgetaılyq boıynsha derekti tirkedi. Qazir sotqa deıingi tergep-tekserý amaldary júrgizilýde. Tergeý oqıǵanyń tolyq mán-jaılaryn anyqtaýda. Qazirgi ýaqytta ustalǵandardyń ústinen qylmystyq is qozǵaý máselesi qarastyrylýda. Al jezókshelikpen aınalysqan áıelder tirkeýge alyndy», - dep málim etti Qyzylorda qalalyq Polıtsııa basqarmasynan.

Eske salsaq, budan buryn Qyzylorda oblysynda iri esirtki alqaby anyqtaldy.



Joǵary qaraı