Aýa raıy
Astana 11 °S
Almaty 15 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada dostarymen sýǵa túsken 22 jastaǵy jigit darııaǵa batyp ketti

2020 jyldyń 10 tamyz 2020 04:00

QYZYLORDA. QazAqparat - Qyzylorda qalasynda 22 jastaǵy azamat Syrdarııa ózenine sýǵa batyp ketti, dep habarlaıdy QazzAqparat tilshisi.

Oqıǵa 9 tamyzda jergilikti ýaqytpen 12.20-da boldy. Oblys ortalyǵyna jaqyn ornalasqan «Pıevık» saıajaıy aýmaǵynda Syrdarııa ózeni túsken jigit jaǵaǵa qaıta jete almady.

«Ol belgilenbegen jerde sýǵa shomylǵan. Qasynda dostary bolǵan. Oblystyq tótenshe jaǵdaılar departamenti jedel qutqarý jasaǵynda qyzmet atqaratyn 5 qutqarýshy 1 tehnıka jáne 1 qaıyqpen oqıǵa ornyna bardy. Saǵat 15.07-de máıit sýdan shyǵaryldy», - dedi Qyzylorda oblystyq tótenshe jaǵdaılar departamenti baspasóz mamany Aıgúl Nurmanova.

Oqıǵa ornyna oblystyq tótenshe jaǵdaılar jáne oblystyq polıtsııa departamentterinen, jedel járdem brıgadasynan mamandar keldi. Oqıǵa ornynda barlyǵy 18 qyzmetker, 5 tehnıka jumys jasady.

Esterińizge sala ketelik, 9 tamyzda Qyzylorda qalasynda Shirkeıli kanalyna sýǵa batyp ketken 28 jastaǵy jigittiń máıiti izdestirilýde.



Joǵary qaraı