Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada eki aýyldyq okrýgte ákim saılaýy ótip jatyr

2021 jyldyń 1 tamyz 2021 16:06

QYZYLORDA. QazAqparat - Qyzylorda oblysynda búgin eki aýyldyq okrýgte ákim saılaý sharasy ótip jatyr, dep habarlaıdy QazAqparat tilshisi.

Saıası mańyzdy shara Aral aýdanyndaǵy Aqqum jáne Shıeli aýdanyndaǵy Talaptan aýyldyq okrýgterinde uıymdastyrylýda.

Daýys berý tańǵy 07:00-de bastalyp, keshki 20:00-de aıaqtalady.

Saılaý barlyq ýchaskelerde Konstıtýtsııalyq zańǵa sáıkes ótýde, quqyq buzýshylyqtar ańyqtalǵan joq, aryz-shaǵym túsken joq.

Jalpy 2 saılaý okrýginde 3527 saılaýshy daýys beredi dep kútilýde. Barlyq ýchaskelerde azamattarǵa tıisti jaǵdaılar jasalǵan. Pandemııa jaǵdaıynda saılaý ýchaskelerinde sanıtarlyq-epıdemıologııalyq qaýipsizdikti saqtaý úshin tıisti sharalar qabyldanǵan.

Saılaýǵa qatysatyn 16 saılaý komıssııalarynyń músheleri betperdemen, arnaıy qolǵappen, antıseptıkpen jetkilikti túrde qamtylǵan. Daýys berýge keletin saılaýshylar men basqa da azamattarǵa antıseptıkter, termometrler ornatylǵan. Kelgen saılaýshylarǵa betperdeler daıyndalǵan. Barlyq saılaý ýchaskeleri dáriger mamandarmen qamtylǵan.

Saılaý komıssııalarynyń usynǵan derekterine sáıkes 2021 jylǵy 1 tamyzdaǵy saǵat 14.00-degi jaǵdaı boıynsha saılaý bıýlletenderin tizimge engizilgen saılaýshylardyń jalpy sanynyń 50,7 % aldy. Onyń ishinde Aqqum aýyldyq okrýginde -34,8, Talaptan aýyldyq okrýginde - 59,8 %-dy qurady.

«Okrýgterde ákimder qyzmetinen bosaǵan jaǵdaıda saılaý jarııalanady. Sondyqtan buǵan baılanysty bólek saılaý ótkizilýde. Al budan buryn ákim qyzmeti merzimi aıaqtalǵan okrýgterde saılaý uıymdastyrldy», - dedi oblystyq saılaý komıssııasy tóraǵasynyń orynbsary Bolat Naqypov.


Joǵary qaraı