Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada eki kúnnen beri izdeýde bolǵan jasóspirim qyz óli kúıinde tabyldy

2021 jyldyń 20 maýsym 2021 22:33

QYZYLORDA. QazAqparat - Qyzylordada eki kúnnen beri habarsyz ketken jasóspirim qyz óli kúıinde tabyldy, dep habarlaıdy QazAqparat tilshisi.

Eske salsaq, jasóspirim qyz 18 maýsymda saǵat 12:30 shamasynda belgisiz baǵytqa shyǵyp ketip, qaıta oralmaǵan.

Іzdestirý jumystaryna qalalyq polıtsııa basqarmasynyń 300-ge tarta qyzmetkeri, tótenshe jaǵdaılar departamenti mamandary, eriktiler toby jáne jergilikti turǵyndar atsalysty.

«Búgin, 20 maýsymda jergilikti ýaqyt saǵat 13:30 shamasynda polıtsııa qyzmetkerleri Tuńǵysh prezıdent parkiniń janyndaǵy Shirkeıli kanalynyń boıynan jasóspirim qyzdyń denesin tapty. Ol úıinen shamamen 2 shaqyrym qashyqtyqta ornalasqan. Buǵan baılanysty qajetti sot-medıtsınalyq saraptamalar taǵaıyndaldy. Denesinde zorlyq-zombylyq belgileri baıqalmaıdy. Atalǵan oqıǵa boıynsha tergeý áreketteri bastaldy. Tergeý áreketi oblystyq polıtsııa departamenti bastyǵynyń qatań baqylaýynda», - dep málim etti Qyzylorda oblystyq polıtsııa departamentinen.

Avtor Ádiljan Úmbet
Basty sózder: Qoǵam, Oqıǵa, Qyzylorda oblysy,
Joǵary qaraı