Aýa raıy
Astana -2 °S
Almaty 17 °S
valıýta baǵamy
USD 389.98
EUR 434.01
RUB 6.10
CNY 55.04

Qyzylordada «Er Edige» jyry nasıhattaldy

2019 jyldyń 18 qyrkúıek 2019 14:37

QYZYLORDA. QazAqparat - Qyzylorda oblystyq Á.Tájibaev atyndaǵy ámbebap ǵylymı kitaphanasynda «Er Edige» jyry týraly tarıhı-tanymdyq shara ótkizildi, dep habarlaıdy QazAqparat tilshisi.

Atalmysh shara Tuńǵysh Prezıdent-Elbasy Nursultan Nazarbaevtyń «Bolashaqqa baǵdar: rýhanı jańǵyrý» jáne «Uly dalanyń jeti qyry» atty maqalalaryn nasıhattaý maqsatynda qolǵa alyndy. «Eńsesi bıik Er Edige» atty tarıhı-tanymdyq kesh barysynda uly dala tarıhynan keńinen maǵlumattar aıtyldy.

Shara barysynda Qorqyt ata atyndaǵy Qyzylorda memlekettik ýnıversıtetiniń «Qorqyttaný jáne ólke tarıhy» ǵylymı zertteý ınstıtýtynyń ǵylymı qyzmetkeri Baqytjan Ahmetbek, atalmysh joǵary oqý ornynyń oqytýshysy, magıstr Gúljaýhar Baıqadamova «Er Edige» atty tarıhı qaharmandyq jyrdyń mán-mazmunyn jan-jaqty baıandap berdi.

Shara barysynda «Er Edige» jyry týraly Shoqan Ýálıhanov, Platon Melıoranskıı, Grıgorıı Potanın, Vasılıı Radlov, Ivan Belıaev, Ábýbákir Dıvaev, Sáken Seıfýllın, Muhtar Áýezov, Sábıt Muqanov sııaqty belgili ǵalymdardyń zertteýleri tanystyryldy.

«Er Edige – tarıhı qaharmandyq jyrlardyń ortaq ataýy. Ol - Ámir Temir zamanynda ómir súrgen kóregen memleket qaıratkeri. Altyn Orda handarynyń aqylshysy, halyq qamqory bolǵan. Edige batyrdyń Toqtamyspen aradaǵy soǵystaryn arqaý etken atarıhı týyndylar el arasyna keńinen taraǵan. Edige jaıly tarıhı qujattar Máskeý muraǵattarynda, Nıkonov shejiresinde, «Dúnıe júzi tarıhynyń» 3-tomynda kezdesedi. Onyń ómiri men soǵystary týraly jyrlar men ańyzdar qazaq qana emes, tatar, noǵaı, qyrǵyz, qaraqalpaq, bashqurt, qyrym tatarlary, qumyq, túrikmen, sekildi halyqtarda jıi kezdesedi», - dedi Baqytjan Ahmetbek.


Joǵary qaraı