Aýa raıy
Astana 3 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada qalanyń damýyna úles qosqandar marapattaldy

2020 jyldyń 26 qyrkúıek 2020 10:40

QYZYLORDA. QazAqparat - Qyzylordada qala kúni merekesi «Syr Ana» alańynda ótken mádenı sharamen qorytyndylandy. Onda qalanyń órkendeýine úlken úles qosqan birqatar kisilerge «Qyzylorda qalasynyń qurmetti azamaty» ataǵy berildi, dep habarlaıdy QazAqparat tilshisi.

Atalǵan sharaǵa qala ákimi Nurlybek Nálibaev qatysyp, kópshilikke quttyqtaý lebizin bildirdi. Ol Qyzylorda - Alashtyń anasyna, baqyttyń qalasyna aınalǵan, qos ǵasyrdan asa tarıhy bar, qazaq atyn qaıtarǵan tarıhı qala ekenin atap ótti.

Jyl kóleminde qalada kóptegen jumystar atqaryldy. Infraqurylym damyp, turǵyn úı qurylysynyń eselep artty. Óndiris kólemi men aýyl sharýashylyǵy salasy damyp keledi. Kásipkerlik sýbektileriniń sany artyp, áleýmettik nysandar qurylysy júrgizildi. Qala bıýdjeti ulǵaıyp, ol jobalanǵan 68,9 mlrd teńgeden 100 mlrd teńgege jetti.





Merekelik shara qalanyń áleýmettik-ekonomıkalyq damýyna jáne qoǵamdyq-saıası ómiriniń ósip-órkendeýine qosqan úlesi úshin birqatar azamattarǵa «Qyzylorda qalasynyń qurmetti azamaty» ataǵyn berý sharasymen jalǵasty. Bıyl bul ataq 17 adamǵa tabystaldy. Olardyń qatarynda qyzmettiń túrli satysynan ótip, elge syıly, qyzmette abyroıly bolǵan

eńbek ardagerleri, professorlar, quqyq qorǵaý, qurylys, densaýlyq, bilim, mádenıet salasynyń ardagerleri bar.





Merekelik shara sońynda bıyl ótken respýblıkalyq kompozıtorlar baıqaýynda úzdik dep tanylǵan ánder oryndaldy. Sondaı-aq «Qyzylorda» atty jańa ánniń tusaýy kesildi.

Esterińizge sala ketelik, budan buryn Qyzylordada qalalyq densaýlyq jáne demalys saıabaǵy ashylǵan bolatyn.


Joǵary qaraı