Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada qarjy pıramıdasyn qurǵandar 5 jylǵa sottaldy

2021 jyldyń 9 tamyz 2021 13:27

QYZYLORDA. QazAqparat - Qyzylordada 21 adamdy aldap, olarǵa 22 mln teńge shyǵyn keltirgen alaıaqtar bes jylǵa sottaldy, dep habarlaıdy QazAqparat tilshisi.

Qyzylorda qalalyq Polıtsııa basqarmasyna qala turǵyndary «Befree» atty qarjy pıramıdasynyń qurbany bolǵany jóninde shaǵym ústirgen. Oqıǵa 2019 jyldyń qazan aıynan bastaý alǵan.

Belgisiz bireýler WhatsApp jelisi arqyly «Befree» tobyn ashyp, qarjylyq (ınvestıtsııalyq) pıramıda qurǵan. Onda turǵyndarǵa eki apta ishinde 50 paıyz ústememen paıda tabý múmkindigi bar ekendigi aıtylǵan. Aldanǵan 21 jábirlenýshige keltirilgen materıaldyq shyǵyn 22 mıllıonnan astam teńgeni qurady.

«Polıtseılerdiń jedel áreketi men tergep-tekserý jumystarynyń nátıjesinde aldymen Qyzylorda qalasynyń turǵyny qolǵa tústi. Keıinnen is boıynsha taǵy eki azamatsha anyqtaldy. Olarǵa qatysty dáleldemeler jınaqtaldy. QR Qylmystyq kodeksiniń 217-baby 3-bóliginiń 2-tarmaǵymen sotqa deıingi tergep-tekserý amaldary júrgizildi. Qyzylorda qalalyq sotynda olardyń árqaısysyn 5 jylǵa bas bostandyǵynan aıyrý týraly sheshim shyqty», -dep málim etti Qyzylorda oblystyq Polıtsııa departamentinen.


Joǵary qaraı