Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylordada kınoteatrlar jumysyn qaıta bastaıdy

2022 jyldyń 19 qańtar 2022 13:44

QYZYLORDA. QazAqparat - Qyzylorda oblysynda kınoteatrlardyń qyzmetine salynǵan shekteý alynyp tastaldy, dep habarlaıdy QazAqparat tilshisi.

Bul Qyzylorda oblysynyń bas memlekettik sanıtarııa dárigeriniń 2022 jylǵy 19 qańtarda shyqqan №2 qaýlysynda kórsetilgen.

Qaýlyǵa sáıkes Ashyq jobasyna qatysýyna qaramastan kınoteatrlardyń qyzmetine salynǵan shekteý alynyp tastaldy

«Epıdemıologııalyq ahýal turaqtanǵansha 600 oqýshyǵa deıingi oblys jáne aýdan ortalyqtaryndaǵy mektepterdi dástúrli formatta oqytý josparlanyp otyr. Al oblys ortalyǵyndaǵy 600 oqýshydan joǵary mektepter qashyqtyqtan oqytý formatynda (aýyldyq jerlerdegi 600 oqýshydan joǵary mektepter - dástúrli formatta) júrgiziledi. Al joǵary oqý oryndary jáne kolledjderdiń barlyq kýrs stýdentterine aralas formatta oqytý qoldanylady. Naqty aıtqanda, barlyq dárister qashyqtyqtan oqytý formatynda júrgizilse, ıkemdi keste boıynsha: tájirıbelik, zerthanalyq, semınar sabaqtary dástúrli formatta josparlanǵan», - dedi Qyzylorda oblystyq sanıtarııalyq-epıdemıologııalyq baqylaý deparatmentiniń baspasóz hatshysy Aıman Janahaeva.

Qaýly 2022 jylǵy 19 qańtardan bastap kúshine enedi.

Eske salsaq, Qyzylordada koronavırýsqa shaldyqqandar arasynda vaktsına alǵandar úlesi - nebári 0,4%.


Joǵary qaraı