Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada qoldan jasalǵan qurt ishinen esirtki tabyldy

2021 jyldyń 19 sáýir 2021 07:17

QYZYLORDA. QazAqparat - Qyzylordada túzeý mekemesine kelgen sálemdemeden, qoldan jasalǵan qurt ishinen esirtki shyqty, dep habarlaıdy QazAqparat tilshisi.

Bul oqıǵa Qyzylorda oblysy boıynsha qylmystyq atqarý júıesi departamentine qarasty ZK-169/5 mekemesinde boldy, dep habarlaıdy QazAqparat. Qylmystyq kodekstiń 297-baby 3-bóligimen jazasyn ótep jatqan V. esimdi azamatqa joldanǵan sálem-saýqattyń ishinen esirtki tektes zat anyqtaldy. Alty dana qurttyń ishinen dákege oralyp salynǵan ózine tán hosh ıisi bar shóp tárkilendi.

«Mekemege Qyzylorda qalalyq Polıtsııa basqarmasynyń jedel-tergeý toby shaqyrtyldy. Tárkilengen zat boıynsha sot saraptama jumystarynyń nátıjesinde ol salmaǵy 3,2 gramm keptirilgen marıhýana bolyp shyqty. Atalǵan derek boıynsha QR Qylmystyq kodeksiniń 297-babynyń 3-bóligimen sotqa deıingi tergep-tekserý jumystary júrgizilýde», - dep málim etti Qyzylorda oblysy boıynsha Qylmystyq-atqarý júıesi departamentinen.


Joǵary qaraı