Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada qoradan 300 túk shóp urlandy

2021 jyldyń 25 aqpan 2021 20:07

QYZYLORDA. QazAqparat - Qyzylordada úıde adamnyń joqtyǵyn paıdalanyp 300 túk shópti urlap ketken 47 jastaǵy turǵyn qolǵa tústi, dep habarlaıdy QazAqparat tilshisi.

Qyzylorda qalalyq Polıtsııa basqarmasyna aryzdanǵan azamatsha 16-22 aqpan kúnderi aralyǵynda úıinde eshkim bolmaǵanyn aıtyp, belgisiz bireýler urlyq jasaǵanyn aıtqan. Úıge plastık tereze arqyly kirip, sý motory jáne qorasynan 300 dana prestelgen shóbin alyp ketken.

«Jedel izdestirý jumystary nátıjesinde polıtseıler 47 jastaǵy aýyl turǵynyn kúdikti retinde ustady. Ol azamattyń motor men prestelgen shópti kóligine tıep alyp ketkendigi anyqtaldy», - dep málim etti Qyzylorda oblystyq polıtsııa departamentinen.

Vedomstvo málimetinshe, atalǵan derek boıynsha QR Qylmystyq kodeksiniń 188 - babynyń 3-bóligimen tergep-tekserý amaldary júrgizilýde. Onda úı-jaıǵa, qoımaǵa ne kólik quralyna zańsyz kirýmen jasalǵan urlyq jaǵdaıy kórsetilgen. Oqıǵanyń mán-jaıy anyqtalýda.

Eske sala ketelik, budan buryn Qyzylordada sý kanalynan 3 mln teńgeniń shlıýzdary urlandy.


Joǵary qaraı