Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylordada koronavırýs juqtyrǵandar arasynda bir jasqa deıingi náresteler sany basym

2022 jyldyń 25 qańtar 2022 13:07

QYZYLORDA. QazAqparat - Qyzylorda oblysynda koronavırýs juqtyrǵandar arasynda bir jasqa deıingi nárestelerdiń úlesi basym, dep habarlaıdy QazAqparat tilshisi.

Ótken táýlikte 74 adam koronavırýs juqtyrdy. Olardyń arasynda 48-i Qyzylorda qalasynyń turǵyny bolsa, aýdandar boıynsha ol Qazalyda - 3, Qarmaqshyda - 7, Jalaǵashta - 6, Syrdarııada - 6, Shıelide - 2, Jańaqorǵanda - 2 adam tirkeldi.

Oblysta indettiń iri oshaǵy - Qyzylorda qalasy. Aýdandar úlesi boıynsha indet oshaqtary Shıeli jáne Jańaqorǵanda anyqtalǵan.

«Barlyq jas aralyǵyndaǵy azamattar arasynda koronavırýs ınfektsııasyna shaldyǵý deregi bar. Degenmen basym kópshiligi 20-29, 30-39 jas aralyǵyndaǵy jastar arasynda anyqtalýda. Sondaı-aq 14 jasqa deıingi balalar arasynda belsendilik baıqalady. Onyń ishinde 1 jasqa deıingi sábılerdiń úlesi basym», - dep málim etti oblystyq Sanıtarııalyq-epıdemıologııalyq baqylaý departamentiniń baspasóz qyzmetinen.

Vedomstvo málimetinshe, óńirde koronavırýs ınfektsııasy anyqtalǵannan bastap indet juqtyrǵan 23 myńnan astam adam tirkelse, naýqastardyń 90 paıyzy emdelip shyqty.

Eske salsaq, buǵan deıin Qyzylorda oblysynda 43 253 adam revaktsınalaýdan ótti



Joǵary qaraı