Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada koronavırýs juqtyrǵanyna qaramastan qydyryp júrgender aıyppul tóleıdi

2021 jyldyń 27 qazan 2021 13:40

QYZYLORDA. QazAqparat - Qyzylorda oblysynda «Ashyq» júıesi arqyly úı karantıni men oqshaýlaný tártibin buzǵan 1129 adam anyqtaldy, dep habarlaıdy QazAqparat tilshisi.

Oblys kóleminde «Ashyq» júıesi arqyly úı karantıninde oqshaýlaný tártibin buzǵan 1129 azamat anyqtaldy.

Onyń ishinde 736 adam «qyzyl», 398 adam «sary» mártebege ıe.

Oqshaýlaý rejımin buzýshy «qyzyl» mártebedegi 202 adamǵa qatysty ákimshilik hattamalar toltyryldy.

Olarǵa 8 mln teńgeden astam aıyppul salyndy.

Anyqtalǵan «sary» mártebedegi 226 adamǵa qatysty sanıtarııalyq-indetke qarsy profılaktıkalyq is-sharalardy júrgizý týraly qaýly usynyldy.

«Departamentte qyzmet atqaratyn epıdemıologtar kún saıyn koronavırýstyń epıdahýalyna monıtorıng júrgizedi. Qaı kontıngent arasynda ınfektsııa basym túrde anyqtalǵanyn saralap, onyń sebebi qandaı ekendigin zerdeleıdi. Belgili bolǵandaı, qaterli indetti juqtyrýdyń joǵary kórsetkishi jumyssyzdar, zeınetkerler, mektep oqýshylary men kásipkerlik nysannyń vaktsına almaǵan jumyskerleri arasynda anyqtalyp otyr. Al egilýge tıis kontıngent arasynda indetke shaldyǵý deńgeıi óte tómen. Olardyń qatarynda medıtsınalyq qyzmetkerler, pedagogtar, kúsh qurylymdary qyzmetkerleri bar. Bul vaktsınalaýdyń koronavırýsqa qarsy tıimdiligin dáleldep otyr», - dedi oblystyq sanıtarlyq-epıdemıologııalyq baqylaý departamentiniń basshysy Dınara Jańabergenova.

Vedomstvo málimetinshe, búgingi kúni vaktsınanyń 1-komponentimen egilgender sany - 358 706 adam, bul tıisti kontıngenttiń 78,8% quraıdy. Al vaktsınanyń tolyq kýrsynan ótken turǵyndar sany 286 448 adamǵa jetti, ol - tıisti kontıngenttiń 63,3 paıyzy.

Eske salsaq, budan buryn Qarmaqshy aýdanynda ekpe qabyldaýǵa qabiletti turǵyndar tolyqtaı vaktsına saldyrdy.


Joǵary qaraı