Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada qutqarýshylar kólik ishinde qysylyp qalǵan adamdy shyǵardy

2021 jyldyń 1 tamyz 2021 22:47

QYZYLORDA. QazAqparat - Qyzylorda oblysynda qutqarýshylar kólikter soqtyǵysýy saldarynan kólik ishinde aıaǵy qysylyp qalǵan adamdy shyǵaryp aldy, dep habarlaıdy QazAqparat tilshisi.

Oqys oqıǵa búgin, 1 tamyzda saǵat 11.20 shamasynda Jańaqorǵan kenti tusyndaǵy darııadan ótetin kópir ústinde bolǵan. Sol aýmaqta «KaMAZ» júk kóligi men «Toyota Carina» jeńil kóligi soqtysyp qalǵan.

«Oqıǵa barysynda jeńil kólik júrgizýshisiniń aıaǵy qysylyp qalǵan. Qutqarýshylar oqıǵa ornyna jedel jetip, tıisti qurylǵymen ony shyǵardy. Sol ornynda oǵan alǵashqy medıtsınalyq kómek kórsetilip, jedel járdem qyzmetine tabystaldy», - dep málim etti Qyzylorda oblystyq Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń baspasóz hatshysy Álııa Erejepova.

Eske salsaq, budan buryn Qyzylordada munaı jáne gaz qaldyǵynyń janýynan úsh adamdy kúıik shaldy.

Joǵary qaraı