Aýa raıy
Astana -18 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada mas kúıinde júk kóligin júrgizgen adam ustaldy

2020 jyldyń 30 qarasha 2020 12:39

QYZYLORDA. QazAqparat - Qyzylordada mas kúıinde júk kóligin basqarǵan adam 7 jylǵa kólik júrgizý quqyǵynan aıyryldy, dep habarlaıdy QazAqparat tilshisi.

Qyzylorda qalalyq polıtsııa basqarmasynyń qyzmetkerleri oblys ortalyǵyndaǵy Jappasbaı batyr kóshesinde «KaMAZ» markaly júk avtokóligin toqtatty. Nátıjesinde 43 jastaǵy kólik júrgizýshisiniń alkogoldik masań kúıde ekeni anyqtaldy.

«Avtokólik aıyp alańyna qoıyldy.

Qyzylorda oblysynyń sotynda QR Ákimshilik quqyq buzýshylyq týraly kodeksiniń 608-babynyń 1-bóligimen ákimshilik is qaraldy.

Sot qaýlysymen quqyq buzýshy 15 táýlikke ákimshilik qamaqqa alynyp, ol 7 jylǵa kólik júrgizý quqyǵynan aıyryldy», - dep málim etti Qyzylorda oblystyq polıtsııa departamentiniń baspasóz qyzmeti.

Sondaı-aq, Qyzylordada jyl basynan beri 1 myńǵa jýyq adam mas kúıinde kólik júrgizgen.


Joǵary qaraı