Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylordada oblys ákimdigi ǵımaratynyń 1-3 qabatyna zaqym kelgen

2022 jyldyń 12 qańtar 2022 22:56

QYZYLORDA. QazAqparat - Qyzylordada terrorlyq akti saldarynan oblys ákimdigi ǵımaratynyń 1-3 qabatyna zaqym kelgen, dep habarlaıdy QazAqparat tilshisi.

Ákimdik ǵımaratynda esik-terezelerdi syndyrý, ofıstik tehnıkalardy urlap ketý, qyzmettik avtokólikterdi órteý áreketteri bolǵan. Jalpy 1-3 qabattaǵy kabınetterge zaqym kelgen.

Búgin oblys ákimi Gúlshara Ábdiqalyqova terrorlyq akti saldarynan zaqymdanǵan ákimshilik ǵımarattardy aralap, nysandardy qalpyna keltirý jumystaryn saralady.

Jappaı tártipsizdik saldarynan Qyzylorda qalasy ákimdigine zalal keldi. Atalǵan nysannyń esik-terezesi synǵan. Qalalyq ákimdik 7 qańtardan beri qalypty jumys rejımine kóshken.

Terrorıster ortalyq alańdaǵy ákimshilik nysandarǵa aıtarlyqtaı zalal keltirilgen. Oblys ákimi Nur Otan partııasynyń oblystyq fılıalynda terrorlyq áreket saldaryn joıý boıynsha jasalyp jatqan jumystardy kórdi. Nysannyń 45 paıyzy órtke oranyp, múlkine zalal kelgen. Qazirde shyǵyn kólemi eseptelip jatyr.




Al, terrorıstik áreket saldarynan oblystyq sot ǵımaratynyń 460-qa jýyq qural-jabdyǵy men 300-den astam keńse tehnıkasy jaramsyz kúıge túsken. Qazir ǵımaratty tazalaý men qalpyna keltirý jumystary qolǵa alynǵan.

Óńir basshysy jóndeý jumystarynyń júrgizý jáne shyǵyn kólemi naqty dáleldi eseptemelermen, qujattarmen rastalýy kerektigin tilge tıek etti.

«Tótenshe jaǵdaı rejımine baılanysty zalal keltirilgen ǵımarattarǵa Úkimet rezervinen qajetti qarajat bólinedi. Ol aldaǵy ýaqytta belgili bolady. Al oǵan deıin biz daıyndyq jumystaryn júrgizip, keltirilgen shyǵyn kólemin naqtylap jatyrmyz. Qajetti soma bólingen soń, qaıta qalpyna keltirý jumystaryn bastaımyz. Jalpy 8 ákimshilik ǵımarattyń shyǵyn kólemi 6 mlrd teńge kóleminde esepteldi. https://www.inform.kz/qz/kyzylordada-terrorlyk-akti-saldarynan-5-8-mlrd-tenge-koleminde-shygyn-keldi_a3884621

Aımaqtaǵy bıznes ókilderiniń shyǵyndaryn óteý jóninde memleket mindetteme aldy. Terrorlyq akti saldarynan oblysta 15 kásipker sýbektisine zııan kelip, onyń kólemi shamamen 395 mıllıon teńgeden asty. Biraq basty prıntsıp – shynaıylyq bolý kerek. Shyǵyn kólemi naqty qujattarmen rásimdelýi tıis», - dedi Gúlshara Ábdiqalyqova.

Munan soń, aımaq basshysy qalalyq polıtsııa basqarmasynyń ǵımaratynda bolyp, qalpyna keltirý jumystarynyń barysyn saralady.











Avtor Ádiljan Úmbet
Basty sózder: Ákim, Ákimdik, Qyzylorda oblysy,
Joǵary qaraı