Aýa raıy
Astana -18 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada oqýshylardyń 92,4 paıyzy kompıýtermen qamtylmaq

2020 jyldyń 5 tamyz 2020 03:18

QYZYLORDA. QazAqparat - Qyzylorda qalasynda oqýshylardyń 92,4 paıyzy elektrondy qurylǵylarmen qamtamasyz etilgen. Olardyń qalǵan bóligin tıisti qurylǵymen qamtamasyz etý maqsatynda tıisti jumystar qolǵa alynýda, dep habarlaıdy QazAqparat tilshisi.

Atalmysh másele Qyzylorda qalasynyń ákimi Nurlybek Nálibaevtyń tóraǵalyǵymen ótken apparattyq májilisinde keńinen talqylandy.

Elimizde koronavırýs jaǵdaıyna baılanysty aldaǵy oqý jyly qashyqtan oqytý júıesi boıynsha júrgiziledi dep josparlanyp otyr. Osyǵan oraı elektrondy qurylǵylarmen qamtamasyz etilmegen oqýshylardy tıisti jabdyqtarmen qamtý úshin tıisti jumystar uıymdastyrylýda. Internet pen uıaly baılanys qoljetimsiz sanalatyn 2418 otbasynda tárbıelenip jatqan órender «Mektepke jol» aktsııasy aıasynda demeýshiler esebinen mobıldi ınternetke qosý máselesi oılatyrylýda. Sondaı-aq, kompıýtermen qamtylmaǵan 54 muǵalimge oblystyq jáne qalalyq muǵalimder kásipodaǵynyń demeýshiligimen elektrondy qurylǵylar beriledi.

Dese de ınternet máselesine baılanysty birqatar qıyndyqtar kezdesedi. Atap aıtqanda, Syrdarııa ózeniniń sol jaǵalaýy, «Saıahat», «Sabalaq», «Báıterek» móltek aýdandarynda ınternet jyldamdyǵy tómen. Osy máseleni sheshý boıynsha «Qazaqtelekom» jáne ózge de baılanys ortalyqtarymen ınternet jyldamdyǵyn kúsheıtý jumystary júrgizilýde.

Sonymen qatar, oblys ortalyǵynda bastaýysh synyp oqýshylarynyń ata-analarynyń ótinishi negizinde qatań sanıtarlyq sharalardy saqtaı otyryp, kezekshi synyptar ashylady.

Bıyl Qyzylorda qalasyndaǵy barlyq bilim berý mekemelerinde aǵymdaǵy jóndeý júrgizildi. Sondaı-aq, «Jumyspen qamtýdyń 2020-2021 jyldarǵa arnalǵan jol kartasy» baǵdarlamasy aıasynda qalalyq bilim bólimine qarasty № 43, 112, 173, 23 mektepterde jáne Belkól kentindegi «Balapan» balabaqshasyna kúrdeli jóndeý jasalýda.

Jańa oqý jylynda Jappasbaı batyr kóshesiniń boıynan 600 oryndyq mektep paıdalanýǵa beriledi dep kútilýde. Sonymen qatar, Jezqazǵan trassasy boıyndaǵy «Báıterek» shaǵyn aýdanynda 600, Saıahat jáne Demesinov kóshesiniń boıynan jeke ınvestor qarjysymen 800 balaǵa arnalǵan 2 jeke mektep qurylysy salynýda.

Qala basshysy atalǵan jumystardyń júıeli atqarylýyn sala mamandaryna nyqtap tapsyrdy.

Sondaı-aq, Qyzylordada kásipkerler aýrýhanalarǵa 39,7 mln teńgeniń medjabdyqtaryn tabystady https://www.inform.kz/qz/kyzylordada-kasipkerler-auruhanalarga-39-7-mln-tengenin-medzhabdyktaryn-tabystady_a3679902.


Avtor Ádiljan Úmbet
Basty sózder: Qyzylorda oblysy, Bilim,
Joǵary qaraı