Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylordada ShOB sýbektilerine keltirilgen zalaldy aıqyndaıtyn komıssııa quryldy

2022 jyldyń 27 qańtar 2022 14:17

QYZYLORDA. QazAqparat - Qyzylorda oblysynda jappaı tártipsizdik saldarynan shaǵyn jáne orta kásipkerlik sýbektilerine keltirilgen múliktik zalaldy aıqyndaý jónindegi óńirlik komıssııa quryldy, dep habarlaıdy QazAqparat tilshisi.

Oblys ákiminiń qaýlysymen Qyzylordada jappaı tártipsizdik saldarynan shaǵyn jáne orta kásipkerlik sýbektilerine keltirilgen múliktik zalaldy aıqyndaý jónindegi Óńirlik komıssııa quryldy.

Komıssııa tóraǵasy bolyp oblys ákiminiń orynbasary Nurlan Tileshev bekitildi. Óńirlik komıssııanyń jumysyn oblystyq kásipkerlik jáne týrızm basqarmasy úılestiredi.

Komıssııa músheliginde múddeli memlekettik organ ókilderinen ózge Kásipkerler palatasynyń dırektory Ǵalymbek Jaqsylyqov, Óńirlik keńes tóraıymy Gúlzaǵıra Ábdiraıymova, Óńirlik keńes múshesi Natalıa Mıshýkova, oblystyq máslıhat depýtattary Qaırat Boranbaev, Nurbolat Ibraev, qoǵamdyq uıymdardyń jetekshileri Anar Іzden, Jandos Tusmaǵambetov bar.

Eske salsaq, budan buryn Qyzylordada tártipsizdik saldarynan zardap shekken kásipkerlerdiń tizimi jasalyp jatqanyn habarlaǵan edik.


Joǵary qaraı