Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Qyzylordada sýǵa ketken oqýshynyń denesi tabyldy

2022 jyldyń 19 mamyr 2022 23:25

QYZYLORDA. QazAqparat - Qyzylorda qalasynda kanalǵa sýǵa batyp ketken toǵyzynshy synyp oqýshysynyń denesi tabyldy, dep habarlaıdy QazAqparat tilshisi.

Búgin, 19 mamyr saǵat 15:28-de oblystyq tótenshe jaǵdaılar departamentine Belkól kentindegi kanalǵa 15-16 jasar er balanyń sýǵa ketkeni jóninde habar kelip túsken.

Oqıǵa ornyna barǵanda sýǵa batqan jasóspirimniń kenttegi №189 mekteptiń toǵyzynshy synyp oqýshysy ekeni málim boldy.

«Jedel qutqarý jasaǵynyń basshysy Baqyt Embergenov basshylyǵymen izdestirý sharasyna 7 qutqarýshy tartylyp, qajetti tehnıka men qaıyq paıdalanyldy. Súńgýirler múrdeni sý astynan izdedi. Saǵat 18.28-de jasóspirimniń denesi batqan jerinen 500 metrdeı qashyqtyqta sý astynan tabyldy», - dedi Qyzylorda oblystyq tótenshe jaǵdaılar departamenti órt sóndirý jáne avarııalyq-qutqarý qyzmetiniń baspasóz hatshysy Álııa Erejepova.


Avtor Ádiljan Úmbet
Basty sózder: Oqıǵa, Qyzylorda oblysy,
Joǵary qaraı