Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada tanysynan 2 mln teńgeni aldap alǵan áıel ustaldy

2020 jyldyń 30 qarasha 2020 17:06

QYZYLORDA. QazAqparat - Qyzylordada tanysynan 2 mln teńgeni aldap alǵan áıel ustaldy, dep habarlaıdy QazAqparat tilshisi.

Qyzylorda qalalyq polıtsııa basqarmasyna qala turǵyny alaıaqtyq deregine qatysty aryz túsirdi. Málim bolǵanyndaı, bıylǵy jyldyń tamyz aıynda jábirlenýshige tanysy oblys ortalyǵynyń shaǵyn aýdanynan qoljetimdi baspana alýǵa járdemdesýge ýáde bergen. Ol áıeldi turǵyn úı qujattaryn jedel rásimdep beretindigine sendirgen. Oǵan 3 mln teńge aqsha alǵan. Alaıaq áıel odan keıin ýádesin oryndaýdan qashqaqtaǵan. Jábirlenýshi odan aqshasyn qaıtarýdy talap etedi. Áıel oǵan 1 mıllıon teńgesin qaıtaryp, qalǵan aqshasyn bermeı boı tasalaǵan.

«Qyzylorda qalalyq polıtsııa basqarmasynyń qyzmetkerleri jedel-izdestirý sharalaryn júrgizdi. Nátıjesinde Qyzylorda qalasynyń 57 jastaǵy turǵyny qolǵa tústi. Kúdiktige qatysty eshqaıda ketpeý jáne ózin durys ustaý týraly qolhat túrinde bultartpaý sharasy qoldanyldy. Ol ózi jasaǵan is-áreketin tolyǵymen moıyndady. Bul boıynsha QR Qylmystyq kodeksiniń 190-babynyń 1-bóligi negizinde sotqa deıingi tergep-tekserý júrgizilýde», - dep málim etti Qyzylorda oblystyq polıtsııa departamentiniń baspasóz qyzmeti.

Budan buryn Qyzylordada 27 jastaǵy jigit kórshisiniń depozıtindegi aqshany ózine aýdaryp alǵan.


Joǵary qaraı