Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada zańsyz jumys istegen dárihanadan iri kólemde dáriler tárkilendi

2020 jyldyń 31 qazan 2020 13:53

QYZYLORDA. QazAqparat - Qyzylordada zańsyz medıtsınalyq qyzmet kórsetken dárihanadan iri kólemdegi dárilik zattar tárkilendi, dep habarlaıdy QazAqparat tilshisi.

Dári-dármekterdi qymbat baǵada satýshylardyń jáne alypsatarlardyń jolyn kesý maqsatyndaǵy oblystyq prokýratýra jáne mobıldi toptardyń jumysy uıymdastyryldy.

Oblysta qyzmet kórsetetin 328 dárihana nazarǵa alyndy. Bul oryndardaǵy túrli tásildermen dárilik zattardy satýshylardy anyqtaý jumystary júrgizildi.

Búgingi kúnge deıin dári-dármekti qymbat baǵada satqan 33, elimizde tirkelmegen dárilerdi satqan 4 dárihana men 4 jeke tulǵa anyqtaldy. Oǵan qosa arnaıy ruqsatsyz jáne tıisti tirkeýsiz jumys istegen 1 dárihana men 2 jeke tulǵa jáne zańsyz kásipkerlikpen aınalysqan 17 jeke tulǵa jaýapqa tartyldy.

«Qyzylorda qalasynda farmatsevtıkalyq qyzmettiń ruqsatynsyz (lıtsenzııa), kásipkerlik sýbektisi retinde tirkelmesten dári-dármek satqan jáne qosymsha zańsyz medıtsınalyq qyzmet kórsetken dárihana anyqtaldy. Atalǵan dárihanadan 517 túrli 9,5 myń dárilik zattar alyndy. Sot qaýlysymen dárihana ıesine 223 myń teńge aıyppul salyndy. Dári-dármekter memleket paıdasyna tárkileýde. Jalpy mobıldi toptar 566 túrli 10 myń qorap preparat pen 2,5 myń qorǵanysh maskasyn alyp, medıtsınalyq uıymdarǵa berdi», - dep málim etti Qyzylorda oblystyq prokratýrasynan.

Sondaı-aq, Qyzylorda oblysynda dárihanalarǵa qoǵamdyq baqylaý kúsheıtildi.


Avtor Ádiljan Úmbet
Basty sózder: Qyzylorda oblysy, Medıtsına, Zań,
Joǵary qaraı