Qyzylordada jasóspirimderdiń úıden ketip qalý deregi kóbeıgen
QYZYLORDA. QazAqparat - Qyzylorda oblysynda kámeletke tolmaǵandar arasynda ata-anasymen renjisip, úıden ketip qalý deregi kóbeıip barady, dep habarlaıdy QazAqparat tilshisi.
Qyzylorda qalalyq Polıtsııa basqarmasynyń 102 arnasyna Qyzylorda qalasynyń turǵynynan habarlama tústi. Onda óziniń kámeletke tolmaǵan qyzynyń túngi ýaqytta tereze arqyly úıinen qashyp ketip, osy ýaqytqa deıin qaıta oralmaǵandyǵy jóninde aıtylǵan.
«Polıtseıler dereý izdeý jumystryna kiristi. Birshama ýaqyttan keıin jasóspirim qyz qurbysynyń úıinen tabyldy. Oblys boıynsha byltyr kámeletke tolmaǵandar arasynda habar-osharsyz ketýdiń osyndaı 92 deregi tirkeldi. Olardyń barlyǵy ata-anasyna aman-esen tapsyryldy. Osyǵan oraı ata-analardan balalaryn baqylaýdan shyǵarmaı, jaýapkershilikti kúsheıtýdi suraımyz», - dep málim etti Qyzylorda oblystyq Polıtsııa departamentiniń baspasóz qyzmetinen.
Esterińizge sala ketelik, ótken jyldyń jeltoqsan aıynda Almaty oblysynda joǵalǵan jasóspirim Qyzylordadan tabyldy.
