Aýa raıy
Astana 23 °S
Almaty 22 °S
valıýta baǵamy
USD 412.55
EUR 465.73
RUB 5.79
CNY 58.91

Qyzylordada jer úıdegi órt uıaly telefon qýattaǵyshynan shyǵýy múmkin

2019 jyldyń 12 qarasha 2019 22:17

QYZYLORDA. QazAqparat – Qyzylorda qalasynda jer úıden órt shyǵyp, otbasynyń turmystyq zattary men kıim-keshekteri tolyǵymen janyp ketti, dep habarlaıdy QazAqparat tilshisi.

Órt 11 qarasha kúni saǵat 17.30 shamasynda Qorqyt ata kóshesi boıyndaǵy turǵyn úıde tutanǵan. Qutqarýshylar jedel áreket etkenine qaramastan, úıdiń shatyry men ishindegi zattar túgel otqa oranǵan.

«Saldarynan kólemi 10h15 metr bolatyn turǵyn úıge eleýli zııan keldi, adam shyǵyny joq. Oqıǵa ornyna tıisti sala mamandarymen birge qala ákimdiginiń ókilderi de baryp, máseleniń mán-jaıymen tanysty. Órttiń shyǵý sebebi anyqtalýda. Otbasy músheleri túgel týysqandarynyń úıine kóshirildi. Oqýshy balalar mektepke qajetti kıimdermen, qural-jabdyqtarmen jáne oqýlyqtarmen tolyq qamtamasyz etildi. Sondaı-aq qarjylaı kómek kórsetildi. Qazirgi tańda qala ákimdigi tarpynan januıaǵa basqa da kómek kórsetý múmkindikteri qarastyrylýda. Másele qala ákiminiń tikeleı baqylaýynda», - dep málim etti Qyzylorda qalasynyń ákimdiginen.







Qyzylorda oblystyq Tótenshe jaǵdaılar departamenti Órt sóndirý jáne apattyq-qutqarý jumystary qyzmetiniń baspasóz hatshysy Álııa Erejepovanyń habarlaýynsha, oqıǵa ornyna 3 tehnıka men jeke quram qatarynan qutqarýshylar, órt sóndirýshiler jáne «Apattar medıtsınasy» ortalyǵynan barlyǵy 20 adam jumyldyryldy.

«Bizge aldyn ala belgilisi, úıde uıaly telefon elektr qýattaǵyshqa qosýly bolǵan. Sol sátte úıde eshkim bolmaǵan eken. Oqıǵa saldarynan zardap shekkender joq. Órttiń naqty shyǵý sebepteri anyqtalýda», - dep málim etti Álııa Erejepova.










Joǵary qaraı