Aýa raıy
Astana -10 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordada jún men bylǵary óńdeý óndirisi ashylady

2020 jyldyń 29 qazan 2020 09:20

QYZYLORDA. QazAqparat - Qyzylorda oblysynda jún men bylǵary óńdeý óndirisi qurylady, dep habarlaıdy QazAqparat tilshisi.

Búgingi kúnge deıin óńirde jún jáne teri sekildi mal ónimderi paıdalanylmaı keldi. Jyl saıyn oblystan tys jerlerge 100 tonnaǵa jýyq túıe júni, 65 myńǵa jýyq iri qara jáne 130 myńnan astam ýaq mal terisi satyldy. Olardyń kópshiligi jaı ǵana órteledi.

Óńirde olardy óńdeıtin kásiporyndar joq. Óńdelgen teriniń eksporttyq baǵasy óńdelmegen teriden 4 ese joǵary. Sondyqtan óńirde jeke óńdeý óndirisin damytý maqsatynda monǵolııalyq kompanııalarmen jún men bylǵary óńdeý jobasy pysyqtalýda. Jobanyń quny - 2 mlrd teńge.

«Syr óńirinde aýyl sharýashylyǵy ónimderin eksportqa shyǵarý isi jolǵa qoıylyp keledi. Jyl basynan beri 13,9 mln dollardy quraıtyn 38,9 myń tonna aýyl sharýashylyǵy ónimderi eksporttaldy. Ol byltyrǵy jyldyń osy kezeńimen salystyrǵanda 116,7 paıyzǵa artyq. Shetelden balyq, kúrish, bıdaı qaldyǵy, qamys ónimderine suranys bar. Oblysta óndiriletin ónimder Reseı, Qyrǵyzstan, Belarýs, Ázerbaıjan, Mońǵolııa, Tájikstan, Ýkraına, Túrikmenstan, Ózbekstan, Grýzııa, Qytaı, Polsha, Germanııa, Lıtva jáne Irak memleketterine jóneltilýde», - dedi oblystyq aýyl sharýashylyǵy basqarmasynyń basshysy Shahmardan Qoıshybaev.

Sondaı-aq, Germanııadan bizdiń jerde ósetin qamys ósimdigine suranys artty. Olarda qamys úılerdiń shatyryna arnalǵan toqyma sebetin jasaýǵa paıdalanylady. Bul ónim bıyl alǵash ret eksportqa shyǵyp, osy kúnge deıin 122,1 tonna jiberilgen.

Sondaı-aq, Qyzylordada 2023 jylǵa deıingi ekonomıkalyq damý jospary júzege asyrylýda.


Joǵary qaraı