Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordadaǵy qoǵamdyq kólikterde elektrondy bılet júıesi iske qosylady

2020 jyldyń 5 tamyz 2020 17:33

QYZYLORDA. QazAqparat - Qyzylorda qalasyndaǵy qoǵamdyq kólikterde 1 qyrkúıekten bastap elektrondy bılet júıesi iske qosylady, dep habarlaıdy QazAqparat tilshisi.

Endi jolaqyny elektrondyq jol júrý kartasy arqyly tóleý 90 teńge bolyp bekitildi. Al jolaýshylar qolma-qol aqshamen 120 teńge tóleıdi.

«Bul joba aldymen avtoparktiń úlken syıymdylyqtaǵy qoǵamdyq kólikterin qamtıdy. Odan keıin kezeń-kezeńimen barlyq orta jáne kishi syıymdylyqtaǵy qoǵamdyq kólikterde tolyq engiziledi. Qazirgi tańda qala turǵyndary atalǵan kólik kartasyn avtoparktiń qalaishilik baǵytyndaǵy júrgizýshilerden satyp alýyna bolady. Aldaǵy ýaqytta karantın rejıminiń talaptaryn eskere otyryp, kólik kartasyn qolaıly oryndardan satyp alý múmkindigi qarastyrylady», - dedi qalalyq turǵyn-úı kommmýnaldyq sharýashylyǵy, jolaýshylar kóligi jáne avtomobıl joldary jáne turǵyn-úı ınspektsııasy bólimi basshysynyń orynbasary Birjan Dalabaev.

Jolaýshylar elektrondy jolaqy tóleminiń ózine qolaıly 9 ádisin paıdalana alady. Oǵan qosa «SMS BUS jolaýshy» mobıldi qosymshasy arqyly óz qajettiligine qaraı baǵyttardyń qozǵalys kestesin anyqtaıdy. Sonymen qatar, avtobýstyń aıaldamaǵa kelý ýaqytyn naqty ýaqyt rejıminde baqylaı alady.

Aıta ketý kerek, qolma-qol aqshasyz tóleminiń úlesin arttyrý arqyly qyzmet ashyqtyǵyn kórsetedi. Ol turǵyndardyń qoǵamdyq kólik qyzmetine jańasha kózqarasyn qalyptastyrýyna ıgi yqpalyn tıgizedi. Taǵy bir artyqshylyǵy, qalaishilik qoǵamdyq kólikterdiń elektrondyq jolaqy tóleý qurylǵysy isten shyqqan jaǵdaıda kólik kartasy arqyly tólemdi júzege asyratyn jolaýshylar tegin jol júrý quqyǵyna ıe bolady.


Avtor Ádiljan Úmbet
Basty sózder: Qyzylorda oblysy, Kólik,
Joǵary qaraı