Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Qyzylordalyq polıtseı otqa oranǵan úıden gaz ballonyn alyp shyqty

2021 jyldyń 4 jeltoqsan 2021 12:20

QYZYLORDA. QazAqparat - Qyzylordalyq polıtseı órtenip jatqan úıden gaz ballony men qujattardy syrtqa alyp shyqty, dep habarlaıdy QazAqparat tilshisi.

Oqıǵa Qyzylorda qalasyna qarasty Báıterek shaǵyn aýdanynda boldy. Onda jeke turǵyn úılerdiń birinde órt shyqqan. Oqıǵa ornyna tótenshe jaǵdaılar salasy mamandarymen qosa polıtseıler birge jetti.

«Qyzylorda qalalyq Polıtsııa basqarmasy jergilikti polıtsııa qyzmeti bóliminiń ýchaskelik ınspektorynyń kómekshisi Nurlan Tólebaev órttiń aldyn-alý úshin shuǵyl áreketke kiristi. Ol jalyn sharpyǵan úıdiń terezesin syndyryp, temir esigin ashýǵa tyrysty. Úıdiń ishinde qalyp qoıǵan adam joqtyǵyna kóz jetkizgen soń gaz balonyn syrtqa alyp shyqty», - dep málim etti Qyzylorda qalalyq polıtsııa basqarmasynan.

Buǵan baılanysty áleýmettik jeli betterinde turǵyn Juldyz Baıdramanova rızashylyǵyn bildirip, alǵysyn jetkizdi.

«Sol kúni aýa raıy sýyq edi. Nurlannyń ústi malmandaı sý bolsa da úı ıelerinen «Qujattaryńyz qaı jerde tur?» dep úıdiń ishine qaıta kirdi. Óz ómirine qaýip tónip turǵanyna qaramastan azamattyq mindetine úlken jaýapkershilikpen qarady. Polıtseıdiń osyndaı erjúrek qasıetine rızashylyq bildiremiz», - dedi ol.


Avtor Ádiljan Úmbet
Basty sózder: Qyzylorda oblysy, Oqıǵa, QR ІІM,
Joǵary qaraı