Aýa raıy
Astana 22 °S
Almaty 23 °S
valıýta baǵamy
USD 386.71
EUR 429.17
RUB 6.02
CNY 54.66

La-Mansh buǵazyn júzip ótken Ánel Sytdyqova Almatyǵa keldi

2019 jyldyń 26 tamyz 2019 01:11

NUR-SULTAN. QazAqparat - La-Mansh buǵazyn tuńǵysh ret júzip ótken qazaqstandyq trıatlonshy Ánel Sytdyqova Qazaqstanǵa keldi, dep habarlaıdy QazAqparat.

Sanaýly kún buryn qazaqstandyq belgili trıatlonshy Ánel Sytdyqova La-Mansh buǵazyn baǵyndyryp, táýelsiz memleketimizdiń kók baıraǵyn jelbiretken bolatyn. Ánel Frantsııanyń soltústigi men Brıtan araldarynyń ońtústik-shyǵysyn jalǵap jatqan La-Mansh buǵazynyń 38 shaqyrymyn 15 saǵat 15 mınýtta gıdrokostıým kımeı júzip ótti. Buǵaz sýynyń temperatýrasy 15-16 gradýs ekenin eskersek, Áneldiń áreketi - erlikke para-par.





Aıta keteıik, QR Mádenıet jáne sport mınıstri Aqtoty Raıymqulova bylaı dep óziniń júrek jardy lebizin bildirip, alǵys hat joldady.

«Siz erekshe darynyńyz ben eńbekqorlyǵyńyzdyń, qaısar, órshil minezińiz ben jeńiske degen qulshynysyńyzdyń arqasynda Ulybrıtanııa men Frantsııanyń jaǵalaýyna deıin sozylyp jatqan áıgili La-Mansh buǵazyn júzip ótip, álemge halqymyzdyń ór rýhyn, namysyn kórsete bildińiz. Bul - naǵyz qaısar qazaq qyzynyń bıik belesi. Alǵa qoıǵan maqsattaryńyzǵa qol jetkizip, jańa jeńister men jetistikterdi baǵyndyra berińiz» delingen alǵys hatta.




Búgin Almaty halyqaralyq áýejaıynda Ánel Sytdyqovany T.Júrgenov atyndaǵy Qazaq ulttyq óner akademııasynyń ujymy qoshemetpen qarsy aldy.

Basty sózder: Eýropa, Almaty, Sport,
Joǵary qaraı