Aýa raıy
Astana 18 °S
Almaty 16 °S
valıýta baǵamy
USD 412.55
EUR 465.73
RUB 5.79
CNY 58.91

La-Manshty júzip ótken qazaqstandyq áıelge qos birdeı marapat tabys etildi

2019 jyldyń 8 qarasha 2019 22:09

ORAL. QazAqparat – La-Manshty júzip ótken qazaqstandyq Ánel Sytdyqovaǵa qos birdeı marapat tabys etildi, dep habarlaıdy QazAqparat tilshisi.

Anglııanyń Dývr qalasynda Channel Swimming Association prezıdenti Maıkl Rıd júzý maýsymynyń qorytyndysyna sáıkes keshki as kezinde eń úzdik sýda júzýshilerdi marapattady.




CSA (Channel Swimming Association) – La-Mansh buǵazyn júzip ótkenderdiń nátıjelerin tirkeıtin jáne sertıfıkat beretin qaýymdastyq.

Ánel Sytdyqovaǵa Mercedes Gleitze Trophy jáne The Montserrat Tresserras Trophy kýboktary berildi.

Mercedes Gleitze Trophy – brıtandyq áıelder arasynda alǵash ret 1927 jyly La-Manshty júzip ótken Mersedes Gleıttseniń qurmetine atalǵan marapat. Ol buǵazdy ár elden tuńǵysh ret júzip ótken áıelge tapsyrylady. Al The Montserrat Tresserras Trophy kýbogyn Ánel Qazaqstannan La-Manshty júzip ótken alǵashqy adam retinde aldy.

«Assotsıatsııa prezıdenti Maıkl Rıdtiń qolynan osyndaı qos marapatty alýym – men úshin úlken qurmet. Endi bul nagradalar Dývrdaǵy mýzeıde qalady. Onda Qazaqstan ataýy oıylyp jazylǵan. Bul – meniń óz elimizdiń álemge tanylýyna qosqan kishkentaı bolsa da úlesim», dedi QazAqparat tilshisine Ánel Sytdyqova.

Eske sala keteıik, budan buryn Aq Jaıyqtan túlep ushqan, qazir otbasymen Anglııada turatyn Ánel Sytdyqovanyń AQSh-ta taǵy osyndaı eki uzaq qashyqtyqty júzip ótkisi keletinin jazǵan bolatynbyz.




Avtor Eljan Eraly
Basty sózder: Sport,
Joǵary qaraı