Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Lańkesterge qarsy operatsııa rejımi birqatar óńirde saqtalady – Memlekettik hatshy

2022 jyldyń 19 qańtar 2022 10:41

NUR-SULTAN. QazAqparat – Elimizdiń birqatar óńirinde lańkesterge qarsy operatsııa rejımi saqtalady. Bul týraly QR Memlekettik hatshysy Erlan Qarın málim etti, dep habarlaıdy QazAqparat tilshisi.

Memlekettik hatshy «Habar 24» telearnasyna bergen suhbatynda elimizdiń aýmaǵynda oryn alǵan oqıǵalarǵa qatysty arnaýly qyzmetter men quqyq qorǵaý organdar óte aýqymdy qujattar men materıaldardy óńdeýi qajettigin aıtady.

«Bul árıne, naqty bir kúsh-jigerdi talap etedi. Buǵan qosa, arnaýly qyzmetter radıkaldy uıashyqtardy, terrorshylardy anyqtaý jáne ustaýǵa baǵyttalǵan is-sharalardy jalǵastyryp jatyr. Sondyqtan tótenshe jaǵdaı rejımi alynǵanymen lańkesterge qarsy operatsııa rejımi birqatar óńirde saqtalady. Bul arnaýly qyzmetterdiń atalǵan qaterge úlken mán beretindigin, sol qaterdiń kózderin anyqtap, joıý jalǵasatyndyǵyn bildiredi», - dedi Erlan Qarın.


Joǵary qaraı