Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Lıonel Messı 2021 jylǵy «Altyn dop» ıegeri atandy

2021 jyldyń 30 qarasha 2021 02:56

NUR-SULTAN. QazAqparat - Frantsııanyń «PSJ» jáne Argentına quramasynyń fýtbolshysy Lıonel Messı 2021 jylǵy «Altyn dop» ıegeri atandy, dep habarlaıdy QazAqparat tilshisi.

Atalǵan marapatty frantsııalyq «France Football» jýrnaly 1956 jyldan beri turaqty túrde ótkizip keledi.

Bıyl jyldyń úzdik oıynshysy ataǵynan úmitkerler qatarynda 30 fýtbolyshynyń esimi ataldy. Atap aıtqanda, olar: Nıkolo Barella («Inter»), Karım Benzema («Real»), Leonardo Bonýchchı («ıÝventýs»), Kevın de Breıne («Manchester Sıtı»), Djordjo Kellını («ıÝventýs»), Krıshtıaný Ronaldý («Manchester ıÝnaıted»), Rýben Dıash («Manchester Sıtı»), Djanlýıdjı Donnarýmma («PSJ»), Brýný Fernandesh («Manchester ıÝnaıted»), Fıl Foden («Manchester Sıtı»), Erlıng Holand («Borýssııa» D), Jorjıno («Chelsı»), Garrı Keın («Tottenhem Hotspýr»), N’Golo Kante («Chelsı»), Sımon Ker («Mılan»), Sesar Aspılıkýeta («Chelsı»), Robert Levandovskı («Bavarııa), Romelý Lýkaký («Chelsı»), Rııad Marez («Manchester Sıtı»), Laýtaro Martınes («Inter»), Kılıan Mbappe («PSJ»), Lýka Modrıch («Real»), Jerar Moreno («Vılıarreal»), Meıson Maýnt («Chelsı»), Neımar («PSJ»), Pedrı («Barselona»), Mohamed Salah («Lıverpýl»), Rahım Sterlıng («Manchester Sıtı»), Lýıs Sýares («Atletıko»).

Qazirge deıin Iohan Kroıf, Mıshel Platını, Marko van Basten jáne Krıshtıaný Ronaldý sekildi úzdik oıynshylar mundaı mártebege úsh ret ıe boldy. Al marapatqa 2 ret qol jetkizgen juldyzdar qatarynda Alfredo dı Stefano, Frants Bekkenbaýer, Kevın Kıgan, Karl-Haınts Rýmmenıgge, Ronaldo men Lıonel Messı bar.

Sondaı-aq búgingi shara barysynda Germanııanyń «Bavarııa» jáne Polsha quramasynyń oıynshysy Robert Levandovskı «Úzdik shabýylshy» atansa, Frantsııanyń «PSJ» jáne Italııa quramasynyń qaqpashysy Djanlýıdjı Donnarýmma «Úzdik qaqpashy» ataǵyna laıyq dep tanyldy.


Avtor Ádiljan Úmbet
Basty sózder: Sport, Fýtbol, Qoǵam, Álem,
Joǵary qaraı