Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Lıvanda qazaqstandyq bitimgerlerdiń kezekti rotatsııasy ótti

2021 jyldyń 14 qazan 2021 16:03

NUR-SULTAN. QazAqparat - Besinshi qazaqstandyq bitimgershilik kontıngenti «BUU-nyń Lıvandaǵy ýaqytsha kúshteri» mıssııasyna qatysýyn aıaqtady. Olardyń ornyna Qazaqstan bitimgerleriniń altynshy quramy attandy, depp habarlaıdy QR QM baspasóz qyzmeti.

Jarty jyl boıy qazaqstandyq bitimgershilik kontıngenti jergilikti jerdi patrýldeý, blok-beketterde qyzmet atqarý, bazany kúzetý mindetterin oryndady, sondaı-aq shtabtaǵy mıssııanyń sharalarǵa qatysty.

Bitimgerler maıor Danııar Záripovtyń basshylyǵymen júktelgen mindetterdi laıyqty deńgeıde oryndap shyqty.

– Áskerı qyzmetshiler ózderine júktelgen joǵary jaýapkershilikti tolyq sezine bildi, óıtkeni olar Qazaqstannyń Qarýly Kúshterin ǵana emes, sondaı-aq búkil eldi BUU qoldaýymen álemdik qoǵamdastyq aldynda tanystyrdy. Jasaqtyń moraldyq-psıhologııalyq jaı-kúıi joǵary deńgeıde, – dedi komandır.




Bitimgerlerdiń aıtýynsha, eldi mekender men olarǵa irgeles aýmaqtardy kúndelikti patrýldeý jaýapkershilik aımaǵynda jaǵdaıdyń qalypty ekenin kórsetedi.

Qazaqstandyq áskerı qyzmetshiler Úndi bitimgershilik batalonynyń quramynda qyzmet atqarady. Bizdiń áskerı qyzmetshilerdiń kásibıligin mıssııa qolbasshylyǵy, sondaı-aq birlesip patrýldeý júrgizetin Lıvan Respýblıkasy Qarýly Kúshteriniń ókilderi birneshe ret atap ótti.





Basty sózder: QR Qorǵanys mınıstrligi, Ásker,
Joǵary qaraı