Aýa raıy
Astana -5 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Lıvandaǵy jarylys: Qazaqstannyń dıplomatııalyq mıssııasy ǵımaratyna zııan keldi

2020 jyldyń 4 tamyz 2020 23:29

NUR-SULTAN. QazAqparat – Lıvandaǵy jarylys saldarynan Qazaqstannyń dıplomatııalyq mıssııasy ǵımaratyna zııan keldi. Bul týraly QazAqparat SІM silteme jasap habarlaıdy.

Lıvandaǵy qazaqstandyq dıplomattardyń aqparaty boıynsha, aǵymdaǵy jylǵy 4 tamyzda jergilikti ýaqyt boıynsha saǵat 18:00 shamasynda Beırýttaǵy teńiz portynyń bazasynda birneshe qatty jarylys boldy. Jaqyn mańda ornalasqan úılerde, sondaı-aq jarylys epıtsentrinen birneshe shaqyrym jerde ornalasqan ǵımarattarda terezeleri shaǵyldy.

Jergilikti bıliktiń aldyn-ala aqparaty boıynsha, teńiz portynda pırotehnıkasy bar keme jarylǵan. Jarylys saldarynan Lıvandaǵy QR dıplomatııalyq mıssııasynyń ǵımaratyna zııan keltirdi.

Jarylys kezinde dıplomatııalyq mıssııanyń qyzmetkerleri jumys kúni aıaqtalǵannan keıin jumys ornynan ketip qalǵan. Konsýl jumysta qalǵan bolatyn jáne jarylys tolqyny saldarynan jeńil jaraqat aldy.

Bizdiń dıplomattar jergilikti bılik organdarymen jedel baılanysta, Lıvandaǵy Qazaqstan Respýblıkasy azamattarynyń jaǵdaıy týraly aqparat tekserilýde.

Eske salsaq, buǵan deıin Lıvan astanasy Beırýt qalasynda joıqyn jarylys bolǵany týraly habarlaǵan bolatynbyz.
Joǵary qaraı