Aýa raıy
Astana 12 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Lıvanǵa jiberilgen úshinshi bitimgerlik rota elge oraldy

2020 jyldyń 4 tamyz 2020 12:16

NUR-SULTAN. QazAqparat - Búgin Lıvan Respýblıkasyndaǵy segiz aılyq qyzmetten keıin úshinshi bitimgerlik rota elge oraldy. Bul týraly QazAqparat tilshisi QR Qorǵanys mınıstrliginiń baspasóz qyzmetine silteme jasap habarlaıdy.

Bitimgershilik mıssııaǵa jiberilgen áskerı qyzmetshilerdi desanttyq-shabýyldaý áskerleriniń qolbasshylyǵy, áskerı bólim komandırleri men qazaqstandyq bitimgerlik polkiniń jeke quramy qarsy aldy.

Aldyńǵy toptar sekildi elimizdiń úshinshi bitimgershilik quramyna da segiz aı ýaqyt aralyǵynda Lıvandaǵy beıbitshilik pen qaýipsizdikti qamtamasyz etý mindeti júkteldi. Olardyń mıssııasyn oryndaý kezeńinde qabyldaýshy elde áskerı-saıası, ekonomıkalyq jaǵdaıy kúrdeli boldy, álemde «COVID-19» koronavırýstyq ınfektsııasynyń tez taralýy baıqaldy, biraq bizdiń áskerı qyzmetshiler qoıylǵan tapsyrmany oryndady.

«QR Qarýly Kúshteriniń kontıngentimen bitimgershilik mıssııany oryndaý elimizdiń halyqaralyq qoǵamdastyqtaǵy bedelin nyǵaıtý jolyndaǵy mańyzy zor. Sizder jaýyngerlik daıarlyqtyń joǵary deńgeıin kórsetip, óz mindetterińizdi adal atqardyńyzdar», - dep atap ótti desanttyq-shabýyldaý áskerleriniń qolbasshysynyń birinshi orynbasary - shtab bastyǵy polkovnık Baýyrjan Artyqov. Ol «bitimgershilik kúshterdiń jańa, tórtinshi kontıngenti Qazaqstan Qarýly Kúshteri áskerı qyzmetshisi degen atyn asqaqtatatyna» senim bildirdi.





Úndi bitimgershilik batalony quramyndaǵy qazaqstandyq áskerıler ózderin jaýapty mamandar retinde kórsete bildi. Mıssııa basshylyǵy, sheteldik áriptester men baqylaýshylar olardyń kásibı qyzmetine joǵary baǵa berdi jáne álemdik qoǵamdastyqta laıyqty bedelderi bar ekenin rastady.

Aıta keteıik, Qazaqstan Respýblıkasynyń BUU bitimgershilik qyzmetine qatysýy elimizdiń halyqaralyq deńgeıdegi syrtqy saıasat qyzmetiniń mańyzdy salasy bolyp tabylady.





Basty sózder: Ásker, QR Qorǵanys mınıstrligi,
Joǵary qaraı