Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Lýkashenko egemendik pen konstıtýtsııalyq qurylymdy qorǵaý týraly dekretke qol qoıdy

2021 jyldyń 9 mamyr 2021 13:56

MINSK. BELTA-QazAqparat - Belarýs Respýblıkasynyń Prezıdenti Aleksandr Lýkashenko 2021 jyldyń 9 mamyrynan №2 «Egemendik pen konstıtýtsııalyq qurylymdy qorǵaý týraly» dekretke qol qoıdy. Bul týraly BELTA Belarýs Prezıdentiniń baspasóz qyzmetine silteme jasap habarlaıdy.

Qujatta el basshysy qastandyq, terrorızm aktisi, syrtqy agressııa, basqa da zorlyq áreketteri saldarynan qaıtys bolǵan jaǵdaıda barlyq memlekettik organdar, olardyń laýazymdy tulǵalary Qaýipsizdik keńesi sheshimderine sáıkes áreket etedi. Qaýipsizdik keńesiniń otyrystaryna premer-mınıstr basshylyq etedi.

Bul rette el aýmaǵyna kidirmesten tótenshe nemese áskerı jaǵdaı engiziledi. Ony qamtamasyz etý sharalar tizimin Qaýipsizdik keńesi anyqtaıdy.

Qaýipsizdik keńesiniń sheshimderin barlyǵy esh qarsylyqsyz oryndaýǵa mindetti.

Negizgi suraq saılaý týraly bolmaq. Qaýipsizdik keńesi gýbernatorlardyń qatysýymen ony ótkizý týraly sheshim qabyldaıdy.

Dekret eldiń táýelsizdigi men egemendigin saqtaýǵa baǵyttalǵan.

Dekret oǵan qol qoıylǵan sátten bastap kúshine enedi.


Basty sózder: Belarýs, Álem, TMD,
Joǵary qaraı