Aýa raıy
Astana 9 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Magıstratýraǵa keshendi testileýge ótinish qabyldaý merzimi uzartyldy

2020 jyldyń 16 shilde 2020 14:14

NUR-SULTAN. QazAqparat - Magıstratýraǵa keshendi testileýge (KT) qatysý úshin ótinishterdi qabyldaý 19 shildege deıin uzartyldy. Bul sheshim karantındik sharalardyń kúsheıýine baılanysty qabyldandy, dep habarlaıdy QazAqparat QR BǴM baspasóz qyzmetine silteme jasap.

Magıstratýraǵa keshendi testileý 1 tamyzda bastalyp, 15 tamyzǵa deıin jalǵasady. KT-ǵa qatysý úshin ótinish qabyldaýdy QR BǴM Ulttyq testileý ortalyǵynyń saıty arqyly joǵary oqý oryndarynyń qabyldaý komıssııalary júrgizedi. Keshendi testileýdiń qorytyndysy boıynsha kýálik elektrondy túrde testilenýshiniń jeke kabıneti arqyly beriledi. Magıstratýrada oqýǵa bilim grantyn taǵaıyndaý konkýrsyna qatysý úshin ótinishterdi qabyldaý
16 - 20 tamyz aralyǵynda júzege asyrylady.

Bıyl magıstratýra men doktorantýraǵa túsý úshin birqatar jańashyldyqtar qarastyrylǵan.

«2020 jyly magıstratýra men doktorantýraǵa túsý jáne qabyldaý rásimine birqatar ózgerister engizildi. Mysaly, memlekettik nemese resmı tili aǵylshyn tili bolyp tabylatyn elderde sheteldik joǵary jáne joǵary oqý ornynan keıingi bilim berý uıymdarynda oqýdy aıaqtaǵan jáne sheteldik akkredıtteý organdarynyń mamandandyrylǵan akkredıtteýi bar tulǵalar keshendi testileýdiń «Shet tili» blogynan bosatyldy», – dep málimdedi QR BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev.

Doktorantýraǵa túsý úshin memlekettik nemese resmı tili aǵylshyn tili bolyp tabylatyn sheteldik joǵary jáne joǵary oqý ornynan keıingi bilim berý uıymdaryn aıaqtaǵan úmitkerler shetel tilin meńgerýdiń jalpyeýropalyq standarttaryna sáıkes shet tilin meńgergendigin rastaıtyn halyqaralyq sertıfıkattardy usynbaıdy. Magıstratýraǵa túsý úshin ótinishterdi qabyldaýdy
QR BǴM Ulttyq testileý ortalyǵynyń https://pvo-zayav.testcenter.kz saıty arqyly 3 shildeden 3 tamyzǵa deıin JOO qabyldaý komıssııasy júrgizedi. Doktorantýraǵa túsý emtıhandary 4 - 20 tamyz aralyǵynda ótkiziledi.

COVID-19 pandemııasy jaǵdaıynda aǵylshyn tilin bilý IELTS halyqaralyq testin dástúrli formatta tapsyrý múmkin bolmaýyna baılanysty QR Bilim jáne ǵylym mınıstri joǵary oqý orny túlekterine magıstratýra men doktorantýraǵa túsý úshin Duolingo English test jáne IELTS INDICATOR tapsyrýǵa ruqsat beretin buıryqqa qol qoıǵanyn esterińizge salamyz. Magıstratýraǵa túsý úshin Duolingo English test boıynsha shekti ball keminde 95, IELTS INDICATOR boıynsha keminde 6,0 bolýy tıis. Doktorantýraǵa túsý úshin Duolingo English test boıynsha shekti ball keminde 85, IELTS INDICATOR boıynsha keminde 5,5 bolýy kerek.

Shet tilin meńgergendigin rastaıtyn sertıfıkat doktorantýraǵa túsý úshin ǵana mindetti bolyp tabylatynyn atap ketken jón. Magıstratýranyń bilim berý baǵdarlamalaryna túsý úshin halyqaralyq sertıfıkatty, sonyń ishinde Duolingo English Test, IELTS INDICATOR nemese keshendi testileý barysynda shet tilinen emtıhan tapsyrýǵa bolady.


Joǵary qaraı