Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Maǵzum Myrzaǵalıev Energetıka mınıstri bolyp taǵaıyndaldy

2021 jyldyń 9 qyrkúıek 2021 17:13

NUR-SULTAN. QazAqparat – QR Prezıdenti Jarlyǵymen Maǵzum Myrzaǵalıev Energetıka mınıstri bolyp taǵaıyndaldy, dep habarlaıdy QazAqparat Aqordaǵa silteme jasap.

«Maǵzum Maratuly Myrzaǵalıev Qazaqstan Respýblıkasynyń Energetıka mınıstri bolyp taǵaıyndalsyn, ol Qazaqstan Respýblıkasynyń Ekologııa, geologııa jáne tabıǵı resýrstar mınıstri laýazymynan bosatylsyn», delingen qujatta.

Eske sala ketsek, buǵan deıingi Energetıka mınıstri Nurlan Noǵaev laýazymynan bosatylyp, Mańǵystaý oblysynyń ákimi bolyp taǵaıyndalǵan edi.

Maǵzum Maratuly 1978 jyly 7 qarashada Almaty qalasynda týǵan. «Turan» ýnıversıtetin, Syrtqy ister mınıstrliginiń dıplomatııalyq akademııasyn, Sh.Esenov atyndaǵy Qazaq memlekettik tehnologııa jáne ınjınırıng ýnıversıtetin bitirgen. 2001-2004 jyldary - Teńiz jáne Batys Sibir kenishterinde «MIDrillingFluidsInternational» (Schlumberger) burǵylaý eritindileri jónindegi ınjener. 2004-2007 jyldary - «MIDrillingFluidsInternational» Aqtaý fılıalynda bıznesti damytý menedjeri, óndiris jónindegi menedjer, fılıal basshysy. 2007-2010 jyldary - «QazMunaıGaz» UK» AQ «TeńizServıs» JShS bas dırektory. 2010-2012 jyldary - «QazMunaıGaz» UK» AQ basqarýshy dırektory. 2010-2013 jyldary - «QazMunaıGaz» UK» AQ basqarma tóraǵasynyń ınnovatsııalyq damytý jáne servıstik jobalar jónindegi orynbasary. 2013-2014 jyldary - QR munaı gaz vıtse-mınıstri. QR Energetıka mınıstriniń orynbasary (2014-2019). Qazirgi qyzmetinde 2019 jyldyń maýsymynan beri beri.


Joǵary qaraı