Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Maǵzum Myrzaǵalıev Qaraǵandy oblysy turǵyndaryna Ekologııalyq kodeksti tanystyrdy

2021 jyldyń 20 qańtar 2021 14:19

QARAǴANDY. QazAqparat – Ekologııa, geologııa jáne tabıǵı resýrstar mınıstri Maǵzum Myrzaǵalıev kenshiler óńiriniń turǵyndaryna jańa Ekologııalyqkodeks jaıly aıtyp berdi, dep habarlaıdy QazAqparat tilshisi.

Temirtaý qalasynda oblys ákimi Jeńis Qasymbektiń, iri ónerkásip kásiporyndary basshylarynyń, saladaǵy sarapshylar jáne jergilikti qoǵam belsendileriniń qatysýymen jańa Ekologııalyq kodeksti túsindirý jónindegi keńes ótti.




«Memleket basshysy Qasym-Jomart Kemeluly Toqaevtyń tapsyrmasy boıynsha biz jańa Ekologııalyq kodekstiń normalary qalaı iske asyrylyp, óńirdiń ekologııalyq jaǵdaıyn qalaı jaqsartatynyn túsindirý úshin Qaraǵandy oblysynyń jurtshylyǵymen kezdesýdi uıǵardyq. Sońǵy eki jyl ishinde Ekologııalyq kodekstiń jańa redaktsııasyn daıyndaý boıynsha belsendi jumys júrgizildi. Ol ekonomıkalyq yntymaqtastyq pen damý uıymy (EYDU) elderiniń tájirıbesin eskere otyryp ázirlendi. 2021 jylǵy 2 qańtarda jańa Ekologııalyq kodekske Memleket basshysy qol qoıdy. Kodekstiń mańyzdylyǵy - onyń adam ómiri men densaýlyǵy, qolaıly ómir súrý ortasyn qamtamasyz etý, iri jáne shaǵyn bıznestiń qyzmetin, olardyń qorshaǵan ortany qorǵaý salasyndaǵy jumysyn retteý sııaqty qoǵamnyń barlyq múddelerin áser etetindiginde», - dedi Maǵzum Myrzaǵalıev jıyn barysynda.

Mınıstrdiń aıtýynsha, Ekologııalyq kodeks Qazaqstandaǵy jáne Qaraǵandy oblysyndaǵy ekologııalyq jaǵdaıdy jaqsartýdyń negizgi quralyna aınalmaq.











Joǵary qaraı