Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Maǵzum Myrzaǵalıev qyrǵyzstandyq áriptesimen sý sharýashylyǵyna qatysty máselelerdi talqylady

2021 jyldyń 22 tamyz 2021 09:23

NUR-SULTAN. QazAqparat - 2021 jylǵy 19 tamyzda Sholpan-Ata qalasynda (Qyrǵyz Respýblıkasy) Eýrazııalyq Úkimetaralyq keńes otyrysy aıasynda Qazaqstan Respýblıkasynyń ekologııa, geologııa jáne tabıǵı resýrstar mınıstri M. Myrzaǵalıev Qyrǵyzstan Respýblıkasynyń Aýyl, sý sharýashylyǵy jáne óńirlerdi damytý mınıstri A. Janybekovpen kezdesti.

Bul týraly QazAqparat QR Ekologııa mınıstrliginiń Telegram kanalyna silteme jasap habarlaıdy

Kezdesýde Syrdarııa, Shý jáne Talas ózenderiniń basseınderinde bıylǵy jyldyń vegetatsııalyq kezeńiniń barysy, sondaı-aq Shý-Talas sý sharýashylyǵy komıssııasy boıynsha yntymaqtastyq sheńberindegi ózekti bolyp tabylatyn sý sharýashylyǵy máseleleri, onyń ishinde Shý ózenindegi «Chýmysh» sý torabyn basqarý jáne paıdalaný rejımi týraly kelisimdi talqylaý boıynsha keńes ótkizý qajettigi talqylandy.

Taraptar Qazaqstan men Qyrǵyzstannyń aýyl sharýashylyǵy taýar óndirýshilerin sýarmaly sýmen qamtamasyz etý boıynsha qabyldanǵan birlesken kúsh-jigerdi oń baǵalady jáne Shý ózeni basseınindegi memleketaralyq obektiler boıynsha sý berýdiń kelisilgen kestelerin saqtaýǵa kúsh salýǵa kelisti.

Sondaı-aq, qazaqstandyq tarap Shý ózeninde sý bólýdiń ashyqtyǵyn qamtamasyz etýge baılanysty Chýmysh gıdrotehnıkalyq torabyn basqarý jáne paıdalaný rejımi týraly kelisimdi ázirleý jáne oǵan qol qoıý qajettigin atap ótti. Osyǵan baılanysty, qyrǵyz tarapyna qurylǵan jumys toby sheńberinde Kelisim jobasyn talqylaýǵa kirisýdi jáne birinshi otyrysty 2021 jylǵy qyrkúıek aıynda ótkizýdi usyndy.

Taraptar ózara syılastyq jáne tatý kórshilik qaǵıdattary negizinde jan-jaqty yntymaqtastyqty tereńdetýdi jalǵastyrady.


Joǵary qaraı