Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Maǵzum Myrzaǵalıev munaı-gaz-hımııa ónimderin óndirý kóleminiń tómendeý sebebin atady

2021 jyldyń 30 qarasha 2021 10:36

NUR-SULTAN. QazAqparat – 2021 jyldyń 10 aıynda munaı-gaz-hımııa ónimderiniń óndiris kólemi 147 myń tonnany qurady. Bul týraly Úkimet otyrysynda QR Energetıka mınıstri Maǵzum Myrzaǵalıev aıtty, dep habarlaıdy QazAqparat tilshisi.

«Osy jyldyń 10 aıynda munaı-gaz-hımııa ónimderiniń óndiris kólemi 147 myń tonna boldy. 2021 jyly 190 myń tonna ónim óndirý josparlanǵan. Bul 2020 jylǵy deńgeıdiń 53 paıyzyn quraıdy», - dedi óńdeý ónerkásibin damytý týraly baıandaǵan mınıstr.

Onyń atap ótýinshe, bıylǵy josparly kórsetkishterge qol jetkizbeýdiń negizgi sebebi – qańtar aıynda Atyraý munaı óńdeý zaýytyna elektr energııasyn jetkizýde oryn alǵan irkilister. Bul benzol men paraksılol óndiretin tehnologııalyq qondyrǵylardyń apatyq toqtaýyna ákep soqqan.

«Osyǵan baılanysty benzol men paraksılol óndirýdiń josparly kólemi 246 myń tonnadan 55,3 myń tonnaǵa deıin, ıaǵnı 5 ese tómendedi», - dedi Maǵzum Myrzaǵalıev.


Joǵary qaraı