Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Maǵzum Myrzaǵalıev munaı óńdeý zaýytynyń basshysyna qatań sógis jarııalaýdy usyndy

2021 jyldyń 11 qarasha 2021 15:30

NUR-SULTAN. QazAqparat – Munaı óńdeý zaýyttaryna arnalǵan jóndeý jumystarynyń 5 jyldyq jospary ázirlendi. Bul týraly Energetıka mınıstri Maǵzum Myrzaǵalıevtiń Qazaqstannyń munaı óńdeý zaýyttary basshylarynyń qatysýymen ótkizgen kóshpeli keńesinde málim boldy, dep habarlaıdy QazAqparat tilshisi.

QR Energetıka mınıstrligi baspasóz qyzmetiniń málimetinshe, kezdesý barysynda vedomstvo basshysy bıyl otandyq kásiporyndar ishki naryqty dızel jáne avıaotynmen qamtamasyz etý boıynsha mindetti oryndaı almaǵanyn atap ótti. Júıeli sıpattaǵy problemanyń negizgi sebepteriniń biri - jóndeý jumystaryn tıimsiz josparlaý.

«Óndiristik qýatty jańǵyrtýǵa qaramastan, zaýyttar eń qolaısyz sátte únemi jóndeýge toqtap turady. Ósip kele jatqan tutyný jaǵdaıynda jyl saıynǵy 25 kúndik toqtaý jol berilmeıtin jaǵdaı bolyp otyr. Jóndeý jumystaryn júrgizýdiń qoldanystaǵy reglamenti eskirgen dep esepteımin. Kúrdeli jóndeýge jylyna bir ǵana zaýyt toqtaýy tıis. «QazMunaıGaz» basshylyǵyna aldaǵy 5 jylǵa jańa jospar ázirleýdi tapsyramyn», - dedi Maǵzum Myrzaǵalıev.

Sondaı-aq mınıstrge Pavlodar munaı-hımııa zaýytynda jóndeý júrgizý kezinde gıdrotazartý kompressory rotorynyń aqaýlyǵy anyqtalǵany týraly baıandaldy. Bul rette aqaýly bólshekti tek 5 aıdan keıin ǵana aýystyrýǵa bolady jáne osy kezeń ishinde PMHZ aı saıyn josparlanǵannan 20-40 myń tonnaǵa az dızel otynyn óndiretin bolady.

Osyǵan baılanysty vedomstvo basshysy QMG basshylyǵyna MÓZ-ben birlesip kóktemgi egin jumystary bastalǵanǵa deıin, onyń ishinde munaı óniminiń ımporty esebinen qor qalyptastyrýdy tapsyrdy. Sonymen qatar, Energetıka mınıstri qysqy dızel otynyn óndirýge baǵyttalǵan «Ertis» jobasyn ýaqytyly iske asyrýdy qamtamasyz etýge basa nazar aýdardy.

«PMHZ-nyń turaqsyz jumysy ishki naryqty qamtamasyz etýge teris áser etedi. Bul, árıne, balansqa áser etedi. Biz kóktemgi egin jumystaryna jınalǵan qaldyqtarsyz qalýymyz múmkin», - dedi Energetıka mınıstrliginiń basshysy.

Mınıstr bir apta ishinde kompressordyń buzylý sebepterin tekserýdi aıaqtaýdy tapsyrdy jáne QMG basshylyǵyna zaýyttyń bas dırektory Ospanbek Álseıitovke qatań sógis jarııalaýdy usyndy.

«QazMunaıGaz» AQ-ynyń derekteri boıynsha 2017 jyly júrgizilgen barlyq úsh MÓZ-di jańǵyrtý ishki naryqty munaı ónimderimen tolyq qamtamasyz etýge múmkindik beredi. Máselen, elimizde 4,96 mln tonna avtobenzın, 5,14 mln tonna dızel otyny jáne 623 myń avıaotyn óndiriledi.

Mınıstr qazirgi ýaqytta el Prezıdentiniń tapsyrmasy boıynsha munaı ónimderi naryǵyn turaqtandyrýǵa baǵyttalǵan sharalar paketi ázirlenip jatqanyn atap ótti. Barlyq usynystar, onyń ishinde baǵany retteý máselesi múddeli memlekettik organdarmen birlesip qaralatyn bolady.
Joǵary qaraı