Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mahambet Dosmuhambetov soǵys ardagerlerin úıine baryp quttyqtady

2021 jyldyń 10 mamyr 2021 01:31

ATYRAÝ. QazAqparat – Atyraý oblysynyń ákimi Mahambet Dosmuhambetov Ekinshi dúnıejúzilik soǵysqa qatysqan eki ardager men kontslager tutqynynda bolǵan keıýanany quttyqtady, dep habarlaıdy QazAqparat.

Atyraýda Ekinshi dúnıejúzilik soǵystan oralǵan maıdanger qatary azaıǵan. Qazir oblys ortalyǵynda eki ardager turady. Olar – Aıdyn Aıbarov pen Zakarııa Sultanov. Sondaı-aq, soǵys jyldarynda kontslager tutqynynda bolǵan Ekaterına Absatyrova bar.

Jeńistiń 76 jyldyǵyna oraı oblys ákimi Mahambet Dosmuhambetov ardagerlerdi úıine baryp quttyqtady.

«Soǵys jyldarynda aǵa býyn qan maıdanda teńdessiz janqııarlyq pen batyrlyq tanytty. Al, elde býyny bekimegen bozbalar men eńkeıgen qartqa deıin kúni-túni damyl tappaı, eńbek etip, Jeńisti jaqyndatty. Búgingi Jeńis kúninde maıdan dalasynan oralmaǵandardy eske alyp, rýhyna taǵzym etemiz. Biz urys dalasynda qurban bolǵan jaýyngerler men osy kúnge jete almaǵan ardagerlerdiń, aramyzdaǵy maıdangerlerdiń óshpes erligin, beıbit kúndegi eńbegin árkez ardaqtaımyz» -dedi oblys ákimi Mahambet Dosmuhambetov.

Ardagerler turatyn úıdiń aldynda úrmeli aspaptar orkestri soǵys jyldaryndaǵy ánderdi shyrqady. Bıshiler bı bıledi.




Eske sala ketelik, budan buryn Atyraýda Jeńis kúni qarsańynda eki soǵys ardagerine 1 mln teńgeden berilgenin habarlaǵan edik.











Avtor Bek Mustafa
Basty sózder: Atyraý oblysy, Jeńis kúni,
Joǵary qaraı