Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Makınsk qalasynyń ákimine qyzmetine tolyq sáıkes emestigi jóninde eskertildi

2022 jyldyń 20 qańtar 2022 09:56

KÓKShETAÝ. QazAqparat – Aqmola oblysy boıynsha memlekettik qyzmet isteri jónindegi departamenti ádep keńesiniń otyrysy ótti. Onda qaralǵan birqatar máselelerdiń arasynda Bulandy aýdany Makınsk qalasy ákimi Manarbek Esenǵojınge qatysty tártiptik is te ber, dep habarlaıdy QazAqparat tilshisi.

Departamenttiń baspasóz qyzmetiniń málimetinshe, otyrys barysynda Aqmola oblysy ákimi apparatynyń ádep jónindegi ýákili Aınagúl Jańadilovanyń esebi tyńdaldy.

Departamentpen memlekettik qyzmetshilerdiń quqyqtaryn qorǵaýǵa, ústeme jumysqa jáne demalys jáne mereke kúnderi jumysqa zańsyz tartý jaǵdaıyn boldyrmaýǵa baǵyttalǵan ózara yntymaqtastyq týraly jasalǵan memorandým sheńberinde Aqmola oblysynyń eńbek ınspektsııasy jónindegi basqarmasynyń jumys qorytyndylary qaraldy.

Sonymen qatar, Birjan sal aýdany men Esil aýdany ákimi apparattarynyń tártiptik tájirıbesine taldaý júrgizildi.

Budan ózge Bulandy aýdanynyń Makınsk qalasy ákimi Manarbek Esenǵojınge qatysty tártiptik is qaraldy.

Qala basshysy abattandyrý boıynsha oryndalǵan jumystardyń aktilerine qol qoıý men naqty oryndalmaǵan jumystar úshin aqy tóleý sııaqty memlekettik qyzmetke kir keltiretin tártiptik teris qylyq jasady.

Zań buzýshylyqtar Makınsk qalasyn kógaldandyrýǵa, atap aıtqanda, qalanyń gúlzarlaryna gúl otyrǵyzýǵa qatysty boldy.

Bulandy aýdanynyń prokýratýrasy gúl otyrǵyzý tyǵyzdyǵy satyp alý týraly jasalǵan sharttyń tehnıkalyq ereksheligine sáıkes kelmeıtinin anyqtady.

Sonymen qatar, gúlzarlardy sýarý durys júrgizilmedi.

Beınebaqylaý kameralary boıynsha ýchaskelerdiń biri 20 kúnnen artyq sýarylmaǵany anyqtaldy.

Alaıda osy ýaqyt ishinde shart somasyna tolyq tólem júrgizildi.

«Ádep jónindegi keńespen tártiptik isti qaraý nátıjeleri boıynsha Bulandy aýdanynyń Makınsk qalasy ákimi M.Esenǵojındi «qyzmetke tolyq sáıkes emestigi týraly eskertý» túrindegi tártiptik jaýapkershilikke tartý týraly usynym shyǵaryldy», - dep túsindirdi QR Memlekettik qyzmet isteri agenttiginiń Aqmola oblysy boıynsha departamentiniń baspasóz hatshysy Jazıra Seıitmaǵanbetova.


Joǵary qaraı