Aýa raıy
Astana 5 °S
Almaty 11 °S
valıýta baǵamy
USD 421.58
EUR 496.83
RUB 5.53
CNY 62.20

Maqtaaral aýdanynda 115 úıdiń qurylysy tolyq aıaqtaldy

2020 jyldyń 3 tamyz 2020 18:18

TÚRKІSTAN. QazAqparat – Sý tasqyny bolǵan Maqtaaral aýdanynda tótenshe jaǵdaıdyń saldaryn joıý jumystary tynymsyz júrgizilip, jańadan salynyp jatqan yqshamaýdandaǵy 115 úıdiń qurylysy tolyq aıaqtaldy. Bul týraly oblys ákimi Ómirzaq Shókeevtiń tóraǵalyq etýimen ótken aptalyq lezdemede aıtyldy, dep habarlaıdy QazAqparat tilshisi.

Jıynda baıandama jasaǵan oblystyq qurylys basqarmasynyń basshysy Toqtar Úsipalıev Maqtaaral aýdanynda 386 úıdiń qabyrǵasy qalanǵanyn atap ótti. Sondaı-aq, baspanalardyń basym bóliginiń shatyry jabylyp, ishki árleý jumystary júrgizilip jatqanyn jetkizdi.

«Jalpy Túrkistan oblysy boıynsha qurylys nysandaryn salýǵa 9 myńnan astam, al Túrkistan qalasynda 4 myńnan astam jumysshy jumyldyrylǵan. Barlyq nysandarda eldegi karantın talaptary qatań saqtalýda. Jumysshylar tıisti saqtyq sharalaryn qatań ustanyp jumys isteýde. Túrkistan qalasynda qurylysy toqtaǵan nysandar joq»,- dedi Toqtar Úsipalıev.




Basqarma basshysy sondaı-aq, Maqtaaral aýdandaǵy qurylys alańynda 29 merdiger mekeme men 1400 jumysshy, 87 arnaıy tehnıka qurylys-montaj jumystaryna tartylǵanyn aıtyp ótti. Myrzakenttegi jańa turǵyn aýdanda 1200 oryndyq mektep pen 280 oryndyq balabaqsha jáne dárigerlik ambýlatorııa men polıtsııalyq ýchastok qurylysy júrgizilip jatqanyn baıandady. Munymen qatar, Ferdaýsı aýylynan dárigerlik ambýlatorııa men polıtsııa beketi, Órgebas aýylynan feldsherlik-akýsherlik pýnkt pen polıtsııalyq beket salynyp jatqanyna toqtaldy.

















Avtor Aınur Aqbaeva
Basty sózder: Qurylys, Túrkistan oblysy,
Joǵary qaraı