Aýa raıy
Astana -11 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Maqtaaral aýdanynda 200 shaqyrym jol jóndeýden ótip jatyr

2020 jyldyń 24 qazan 2020 06:21

TÚRKІSTAN. QazAqparat – Túrkistan oblysynyń ákimi Ómirzaq Shókeevtiń tapsyrmasyna sáıkes birqatar aýdanda jol sapasyn arttyrýǵa basymdyq berilip otyr. Maqtaaral aýdanynda 196,9 shaqyrym jol men eldimeken kóshelerine asfalt tóselip jatyr, dep habarlaıdy QazAqparat tilshisi.

Atalǵan aýdanda respýblıkalyq mańyzy bar 61 shaqyrym 3 jolǵa ortasha jóndeý jumystary júrgizilýde. Onyń ishinde 22 shaqyrymy aýdan aýmaǵynda bolǵan tótenshe jaǵdaıdy qalpyna keltirý maqsatynda iske asyrylýda.

Al, oblystyq mańyzy bar 61,2 shaqyrymdyq 7 jol ortasha jáne aǵymdaǵy jóndeý boıynsha retke keltirildi.

Aýdandyq mańyzy bar 74,7 shaqyrymdyq 56 kóshe kúrdeli jáne ortasha jóndeýden ótip jatyr.

Sonymen qatar, aýdandaǵy 94 topyraq kóshege tas tóseldi. Jyl sońyna deıin mundaǵy kósheler tolyq paıdalanýǵa berilmek.

Atalǵan jumys nátıjesinde Maqtaaral aýdanyndaǵy respýblıkalyq, oblystyq jáne aýdandyq mańyzy bar joldardyń jaqsy jáne qanaǵatty jaǵdaıdaǵy úlesin 90 paıyzǵa jetkizý josparanyp otyr.


Joǵary qaraı