Aýa raıy
Astana -13 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Maqtaaral aýdanynda áleýmettik nysandardyń qurylysy qarqyndy júrgizilýde

2020 jyldyń 24 qarasha 2020 06:20

MAQTAARAL. QazAqparat – Maqtaaral aýdanynyń ortalyǵy Myrzakent kentindegi jańa móltek aýdanda áleýmettik nysandardyń qurylysy qysqy aýa raıyna qaramastan qarqyndy júrgizilýde, dep habarlaıdy QazAqparat tilshisi.

Atap aıtqanda, zaman talabyna saı mektep pen balabaqsha, dárigerlik ambýlatorııa men polıtsııa pýnktiniń qurylys jumystaryna júzdegen jumysshy mumyldyrylǵan.

1200 oryndyq bilim berý nysanynyń qurylys jumystaryn júrgizý úshin 1,8 mıllıard teńge jáne 280 oryndyq balabaqshany salýǵa 692,1 mıllıon teńge qarjy qaralǵan. Qos nysannyń qurylysy 2021 jyly aıaqtalady dep kútilýde. Birinshi aýysymda 25 adamdy qabyldaıtyn dárigerlik ambýlatorııanyń smetalyq quny 229,5 mıllıon teńgeni quraıdy.

Al, polıtsııa pýnktiniń smetalyq quny 30,3 mıllıon teńge.

Atalǵan nysandardy aǵymdaǵy jyldyń jeltoqsan aıynda tapsyrý josparlanǵan bolsa, búgingi tańda eki ǵımaryttyń da ishki jáne syrtqy árleý jumystary júrgizilýde.

Avtor Aınur Aqbaeva
Basty sózder: Túrkistan oblysy, Qurylys,
Joǵary qaraı