Aýa raıy
Astana 6 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Maqtaaralda evakýatsııalyq beketter azaıyp keledi

2020 jyldyń 8 tamyz 2020 19:11

MAQTAARAL. QazAqparat – Túrkistan oblysyndaǵy sý tasqynynan zardap shekken Maqtaaral aýdanynda evakýatsııalyq beketter azaıyp keledi. Kezinde úılerin sý basqan eldi mekenderdiń turǵyndary baspanalaryn qaıta turǵyzý jumystarymen aınalysýda, dep habarlaıdy QazAqparat tilshisi.

Sondaı-aq, kórshi eldi mekenderden páter jalǵa alyp, týysqandarynyń úıin panalap jatqan otbasylar da bar. Osynyń áserinen búginde aýdanda 24 evakýatsııalyq bekettiń 5-eýi ǵana qalyp otyr. Munda jalpy sany 341 azamat ornalasqan. Olar negizinen Jańaturmys, Jeńis, Fırdoýsı, Órgebas aýyldarynyń turǵyndary bolyp tabylady. Evakýatsııalyq beketterdi panalaýshylar tósek oryndarmen jáne 3 mezgil ystyq tamaqpen qamtamasyz etilgen. Olarǵa elimizdiń túrli oblystarynan kelgen jáne jergilikti jerdiń kásipkerleri tarapynan kómekter berilip jatyr. Túrli mádenı kópshilik is-sharalar ótkizilip, psıhologtar qoldaý kórsetti. Eń bastysy, beketterde karantın rejımi tolyqtaı saqtalǵan.





Aıta keteıik, tótenshe jaǵdaı oryn alǵannan keıin Atakent kenti, Maqtaaral jáne Jambyl aýyldyq okrýgterinde jalpy sany 10 myń adamdy qabyldaı alatyn 24 evakýatsııalyq beketter uıymdastyrylǵan bolatyn. Sondaı-aq, qosymsha Jetisaı qalasynan 3 evakýatsııalyq beket ashylyp, turǵyndar jappaı ornalastyrylǵan edi.




















Avtor Aınur Aqbaeva
Basty sózder: Túrkistan oblysy, Qoǵam,
Joǵary qaraı