Aýa raıy
Astana 12 °S
Almaty 16 °S
valıýta baǵamy
USD 421.58
EUR 496.83
RUB 5.53
CNY 62.20

Maqtaaralda sý tasqynynan zardap shekken egistik alqaptary qaıta jaıqaldy

2020 jyldyń 8 tamyz 2020 02:50

MAQTAARAL. QazAqparat - Tasqyn sýdan zardap shekken Túrkistan oblysynyń Maqtaaral jáne Jetisaı aýdandarynda 3,4 myń ga jer qaıta óńdelip, aýyl sharýashylyǵy daqyldary egildi. Bul jóninde oblys ákiminiń baspasóz qyzmetine silteme jasap QazAqparat habarlaıdy.

Ol aýmaqqa atap aıtqanda, maqta, baqsha ónimderi men júgeri, kúrish egilip, jumystar jalǵasýda.

Aıta keteıik, Ózbekstandaǵy Sardoba sý qoımasy bógetiniń jarylýynan aımaqta 11 eldimekende 1031 taýar óndirýshiniń 5,9 myń ga egistik alqaby zardap shekken bolatyn.

Aýylsharýashylyǵy salasy mamandarynyń qatysýymen jasalǵan esepke sáıkes, jalpy shyǵyn kólemi - 1,142 mlrd teńge.

Kelgen shyǵyn kólemi «Qazaq maqta sharýashylyǵy ǴZI» JShS tarapynan usynylǵan tehnologııalyq karta negizinde 1 ga egistiń shyǵyny men ótken jyly alynǵan ónimniń 1 kg-na naqtylanǵan statıstıkalyq baǵa negizinde eseptelip, oblystyq aýyl sharýashylyǵy basqarmasy Úkimettiń qaraýyna usynǵan.

Tótenshe jaǵdaı zardabyn zalalsyzdandyrýǵa Ózbekstan Respýblıkasynan 43 aýyl sharýashylyǵy tehnıkasy men 243,6 tonna tuqymdyq shıit jetkizilgen.

Sonymen qatar, shyǵynǵa ushyraǵan taýar óndirýshilerge 1,2 mlrd teńge ótemaqy tólendi.

Aýmaqta veterınarııalyq qaýipsizdik saqtala otyryp, aýyl sharýashylyǵy aýmaqtary tolyǵymen zalalsyzdandyryldy.





























Joǵary qaraı