Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Maqtaralda kóktemgi egis jumystary bastaldy

2021 jyldyń 22 qańtar 2021 16:30

MAQTAARAL. QazAqparat - Maqtaaral aýdanynyń sharýalary qańtardyń qaq ortasynda dıqanshylyqty bastap jiberdi, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Erte ónim beretin qyryqqabat daqylyn egý naýqanyna qazirdiń ózinde 10-nan astam brıgada qatysyp, qyzý jumystar júrgizilýde.

Qańtardyń jaýyn-shashynyna qaramastan egistik alqapta jumys jasap jatqan dıqandardyń jaı-kúıinen habar alý úshin aýdan ákiminiń orynbasary Sáken Sultanhanov pen aýdandyq aýyl sharýashylyy bóliminiń basshysy Ǵalym Dúısenbekov «Sabyr» sharýa qojalyǵyna bardy.

Shaǵyr Kýsherbaevtyń basshylyǵyndaǵy qojalyqtyń enshisinde 12,2 gektar jer bar bolsa, sonyń 3 gektaryna qyryqqabat daqyly egilip jatyr. 60 adamnan quralǵan brıgada qańtardyń árbir kúnin tıimdi paıdalanýda.

«Jumysshylarǵa kúnine 3200 teńgeden eńbekaqysyn tólep otyrmyz. Qyryqqabattyń Izraıl elinen shyqqan «Valıkor» atty sortyn tamshylatyp sýarý tehnologııasymen egip jatyrmyz. Negizinen ekken eginimiz eki aıdyń kóleminde pisip, jetiledi. Egilgen kóshettiń ústin arnaıy japqyshpen jaýyp, jaýyn-shashynnan qorǵaımyz. Eń bastysy – kútip-baptaýǵa úlken mán berilýi kerek», – dedi Sh. Kýsherbaev.

Dıqandardyń aıtýynsha, erte pisetin qyryqqabat ónimine eýropalyqtar men reseılikter tarapynan suranys joǵary. Qazirdiń ózinde Maqtaaral aýdanynda 10 gektardan astam jerge qyryqqabat egilip úlgergen. Jalpy, qyryqqabat daqyly erte pisetindikten, maqtaaraldyq dıqandar onyń sońynan qaýyn-qarbyz, maqta, taǵy da basqa daqyldar egýge kirisedi. Osylaısha sharýalar bir jylda jylda eki ret, tipti úsh ret ónim alady.

Aıta keteıik, bıyl 1342 gektar alqapqa kókónis, sonyń 500 gektardan astamyna qyryqqabat egilmek.


Joǵary qaraı