Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mal urlyǵymen aınalysqan 112 qylmystyq top ustaldy

2021 jyldyń 29 qarasha 2021 12:00

NUR-SULTAN. QazAqparat – Jyl basynan beri mal urlyǵymen aınalysqan 112 qylmystyq top ustaldy. Bul jaıynda QR ІІM resmı ókili Nurdildá Oraz málim etti, dep habarlaıdy QazAqparat tilshisi.

«Qylmystyq kodekske múlkin tárkilep, 12 jylǵa deıin bas bostandyǵynan aıyrý túrindegi eń joǵarǵy jazany kózdeıtin «mal urlyǵy» jeke baby engizildi. Osy bap negizinde úı-jaılarǵa kirip mal urlaıtyndarǵa jaza kúsheıtildi. Sondaı-aq bul bap urylardyń jábirlenýshilermen tatýlasý arqyly jaýapkershilikten jaltarýyna jol bermeýge jáne urlyqtyń aldyn alýdy kúsheıtýge múmkindik berdi», - dedi resmı ókil ІІM baspasóz alańynda ótken brıfıngte.

Onyń atap ótýinshe, mal urlyǵynyń toptyq túrimen kúresý úshin óńirlerde jedel-izdestirý toptary jumys isteıdi. Olar mal bazarlary men mal soıý oryndarynda arnaıy reıdter júrgizedi.

«Jyl basynan beri polıtsııa 800-den astam mal urlyǵyn, onyń ishinde 112 qylmystyq topty ustady. Urlanǵan 7 myń maldyń 4 myńǵa jýyǵy tabylyp, qaıtaryldy»,- dedi Nurdildá Oraz.


Avtor Marlan Jıembaı
Basty sózder: Qylmyspen kúres, Nur-Sultan,
Joǵary qaraı