Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Mamandarǵa emes, qarapaıym adamdarǵa senetinder bar – ınfektsıonıst dáriger

2021 jyldyń 27 mamyr 2021 22:21

AQTÓBE. QazAqparat – Aqtóbe oblysynyń bas ınfektsıonıst dárigeri Meırambek Qurmanǵazın vaktsına saldyrý suraqtary týyndaǵanda mamandarǵa emes, qarapaıym adamdarǵa senetinderdiń bar ekenin jasyrmady, dep habarlaıdy QazAqparat tilshisi.

Aqtóbe oblysyna bıyl 156 950 doza vaktsına jetkizildi. Onyń 114 950-i «Spýtnık V» bolsa, 2 myń dozasy QazVac, 40 myńy Hayat-Vax.

«Búginge deıin 78 myńnan astam adam І-komponentti saldyrsa, 37 231 adam eki komponentin de qabyldady. Qazirgi ýaqytta oblystyń barlyq emdeý mekemesinde vaktsına saldyrýǵa múmkindik bar. Sonymen birge jyljymaly vaktsına beketteri de qarastyrylǵan. Úsh iri bazarda arnaıy pýnkt ashyldy», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.

Óńirlik kommýnıkatsııalar qyzmetinde ótken baspasóz máslıhatynda oblystyń bas ınfektsıonısi Meırambek Qurmanǵazın vaktsına saldyrý kezinde mamandar keńesine qulaq salýǵa úndedi.

«Vaktsınatsııalaý kezinde naǵyz mamannyń keńesine júgingen jón. Biz zertteýshiler dáleldegen aqparatty ǵana taratyp otyrmyz. Elimizde qoldanylyp jatqan úsh túrli vaktsınanyń da tıimdiligi joǵary. Osy taqyrypta kez kelgen adamnyń suraǵyna jaýap berýge daıynbyz. Jastarǵa, orta jastaǵy adamdarǵa ǵana emes, qarııalar da vaktsına saldyrsa deımiz. Sebebi olar koronavırýs ınfektsııasyn aýyr ótkerip jatyr. Shynyn aıtqanda, olar úıde otyrǵan joq. Nemere baǵady, dúkenge barady. Demek olar da ózderin qorǵaýy tıis», - dedi Meırambek Qurmanǵazın.

Aıtyp óteıik, óńirde 93 jastaǵy qart ta vaktsına saldyrǵan. Ol ózin jaqsy sezindi ári keri áseri tirkelmedi.


Joǵary qaraı